يا عروس الكون يا حوريةً حسْناء (تجمع عروسات1433)

بنات صدق
بخصوص محل باث اند بودي انا سألت وحده عنه وقالت لي انه بصحارى ان شاءالله انها صادقه
لكن ماشفته بعنوني << عشان ماتدعون علي ههههههههـ

ومحل "عطري الخاص" ع ضماااانتي قميييل قداً
احسن شي يصير براسك عطر معين تسألينه عنه عشان ماتدوخين عنده
هذي تجربة وحده من الحوائيات اسمها همسه غلا
http://forum.hawaaworld.com/showthread.php?t=3227406

بنات وين المحلات الحلوة لشنط اليد وشنط السفر بالرياض ارجوكم لاتبخلوا عليا 

"سنا بدر الدجى "
اذا تقدرين قبل بثلاث شهور افضل لك
لكن اذا مابقى لك الا شهر انطلقي من الان
يمديك ان شاالله روحي طيران لاسواق مكة بالرياض حلو ورخيص وسريع ودايماً الفستان يجي مزبوط
انا فستاني بيطلع الاسبوع الجاي يعني بيصير له شهر
واذا تبغين بثلاث اسابيع قولي للخياط ابغاه بالموعد الفلاني
ربي يوفقك ويوفق كل العرايس امييييين 

بنات تكفووون الله يسعدكم انا محتاااسه زواجي ما بقى عليه الا ايام فليله ولسى محتاااسه
بسالكم وابيكم تجاااوبوني
بالنسبه للمجموعات وش رايكم كم اخذ مجموعه
اخذت مجموعة التوت من نكتار هذي للايام العاديه
وابي اخذ مجموعه للايام الاولى وش رايكم بمجموعة الكاميليا من زهور الريف او برايد من نكتاار
وبالنسبه للعطور انا اشتريت عطر فانسي لوف وعطر و بربري وعطر شوبارد
وش رايكم يصلح عطر فانسي لوف ليوم وليلة الزواج والا اشتري واحد ثاني
تكفوون انصحووني والله محتاااسه وابي مشووورتكم
وبعد مسك العروس من عبد الصمد القرشي هو اللي يجي لونه ابيض والا كيف
وايش تنصحوني بافضل خمريه للشعر ابي اخلص اليوم او بكره بالكثييير
هذي الاشياء اللي مررره محتاااسه فيها وزواجي باقي عليه 6 اياام زواااجي يوم الاحد ان شاء الله دعواااتكم ربي ييسر لي

الله يسعدكم بنااات لا تطنشووني وربي محتاااجتكم
وبعد ابي اركب رموش اللي تجلس بسالفة العطور شهر وش رايكم فيها
واللي عندها تسريحة ومكياج للعرس تحطها لي
والله العظيم حااايسه وانا اكبر خواااتي
ابي التسريحة اللي يكون شنيون مرره مرتفع بس ما حصلت صورر
والله لادعي لها اللي تجاوبني

الله يتمم لكم يارب ويسعدكم،،،
ابداً لا تتوترون وتقلقون وربي ايامكم هذي احلى ايام منجد لاتضيعونها فالتفكير
والله اني اتمنى ترجع هالايام منجد ايام مستحيل تتنسى

دعواتكم لي حبايبي ربي يثبت حملي ويفرحني بشوفة حبيب ماما وهو بصحه وسلامه يآآآرب