شعري تغير 180 درجه

السلام عليكم ورحمة الله وبركاته


كيفكم بنوتات ؟
اخباركم

الله يجزاكم خير ساعدوني
شعري تغير كثير ماعرف شو صارله :06:
الحمدلله كان فالبدايه كثيف شوي وطويل وناعم من قصيته لانه صارلي لي مده مب قاصته يعني تقريبا شهور
وماقصيته كله بس الاطراف من تحت
ولما قصيته تغير وصار ناااااااااااااااشف ومتقصف وجاااااااف ومافيه لمعان ويتساقط بشكل فضيع فضيع
والله ماعرف شو الحل انا قلت يمكن من الجو بس انا مهتمه فيه
وخصوصا شعري مايناسبه غير زيت دابر املا في زيوت افضل بس حسيت طبيعة شعري مايناسبه غير هالزيت
الحين ماعرف شو صار انهار شعري بالكامل

وخصوصا هالايام عندنا كثير مناسبات ولساتني بنت يعني معقوله احضر زواجات بهالشعر لا وبعد كنت مفكره اصبغ شعري واطلع بلوك جديد
شو الحل ؟؟

اللي تساعدني بشي مضمون والله راح ادعيلها من كل قلبي كل ماشفت نفسي فالمنظره

5 تعليق 2,838 مشاهدة

شاركي في النقاش

سجلي الدخول لإضافة تعليق.

التعليقات

5
  1. @missnaomi

    ياحبيبتي جربي انك تقصي اطرافه مره ثانيه .. وانتبهي لازم يكون نوع المقص كويس لانه يمكن لما قصيتي شعركــ كان المقص تعبان وبالتالي لما قصيتي شعرك انتلفت اطراف الشعر وبكذا التغذيه اللي في الشعر تتركز على تصليح الاطراف و يفضل باقي الشعر من دون تغذيه .. اتمنى اني افدتكــ وان شاء الله شعركـ يرجع احسن من اول
  2. صاحبة الموضوع
    مشكوره خيتوو ع ردك الله يجزاك كل خير
    بس ماينفع اقصه لانه تساقط كثير كثير وصار تالف بالمره
    وصار الحين ضعيف ومتقصف وبعد اقصه !!
    ماراح يبقي لي شعر ):
  3. @adaao_ly_bthhr_alghyb

    الله يرد شعرك مثل اول واحسن بعد

    اقري عليه وارقيه واستعملي كريمات تلينه وقصي منه لو شوي وبمقص كويس مثل ماقالت الاخت مس

    والله يعطيك ماتتمنين مااملك لك الا الدعاء
  4. @aabk_anth_2

    صحيح كلام ( ادعوا لي بظهر الغيب ) و دايم سمي بالله قبل تمشطين شعرك

    وشي ثاني ترى عادي الشعر احيانا تجيه فترات يتغير ويتلف بسبب الهرمونات او فقر دم بس عادي يرجع باذن الله

    مثل اول واحسسن مع العنايه و علاج السبب
  5. صاحبة الموضوع
    مشكورات على ردكم ومساعدتكم لي ودعوتكم
    الله يرزقكم ماتتمنون

    اللي عندها خلطات ممكن تقوي الشعر عالاقل فهالفتره فترة المناسبات عالاقل ):

تابعي تجارب أخرى من هذا القسم.