السلام عليكم
اتمنى يكون هذا المكان المناسب لموضوعي لاني ترددت كثير قبل مااكتبه
اتمنى ماتحذقون يامراقبات موضوعي قدروا وضعي لحد ماالاقي احد يساعدني والله يجزاكم خير
انا حامل وتعبانه وظروفي مايعلم فيها الا الله والحمد لله راضيه
بس تعبت مع هالبنوك رايحه جايه حسبي الله ونعم الوكيل حسبي الله ونعم الوكيل
وضعي الحين مايسمح بالتعب المفروض ارتاح لكن من يقدر وضعي ولا يرحمني تخيلوا من وانا حامل بالشهر الثالث وانا اطارد بالبنوك والحين راح ادخل الثامن ومازال الوضع على ماهو عليه
لو عندي واسطه مثل غيري خلصوني بربع ساعه وهذا اللي شفته بعيني انتظر من الصبح ساعتين ثلاث ساعات وانا جالسه تخيلوا وانا حامل وتدخل وحده قالت انا من طرف فلان بصوت واطئ والله ماجلست عند الموظفه دقيقه وعلى طول دخلتها لمكتب مين والباب مفتوح واسمع كل كلامها ابي افتح حساب عندكم جايه من طرف فلان بتفتحين لي ولا ترى بروح عادي :eek:
وهي تقولها لاوش دعوه ماطلعت الا وحسابها مفتوح
لمن رجعت للموظفه وقلتلها قالت مافيه امكانيه تعالي يعد اربع شهور خيررررررررررررررررررررررر
وانا شايفه وحده طالعه منكم الحين فاتحين لها تقول يتهيا لك:44:
حسبي الله ونعم الوكيل الله يعافيكم اللي تعرف لها احد ببنك تتوسط لي لولا الحاجه والله العظيم لولا الحاجه ماجلست انذل كذا لا ولا خليت ولا بنك كل البنوك اللي اعرفها واللي مااعرفها رحت لها وبرضوا 3او 4او5او6شهور تخيلوا
الحمد لله على كل حال يارب تغنيني عنهم وتسد حاجتي انا وعيالي وزوجي يارب
الموضوع مغلق