خلونا ندردش عن ابرز مشترياتكم(مأكولات) الشهرية اللي مخصصة لعيالكم الصغار تكون

متابعة النقاش، صفحة 6

شاركي في النقاش

سجلي الدخول لإضافة تعليق.

التعليقات

43

  1. @krrt_afdfd

    الاندمي ما تدخل بيتنا الا للشغاله و مستحيل أخلي ولدي يأكلها
    اشتري همبرغر سمك ( الشركة السعودية أو السنبله) و صدور دجاج بدون شحم و عظم (جزء افرمه و أحطه همبرغر و جزء اقطعه مكعبات )
    الحلويات ما اشتريها اطلاقا و الحمد لله طلع ولدي ما يحبها يوم صاروا يوزعونها في المدرسه بس اشتري كاكاو بريك اصبعين (كرتون) و غالبا الكاكاو يكون مع بسكويت
    زبادي احط معه علعة صغيره عسل أو بدون و ممكن مع الزبادي سلطة فواكه
    نوتيلا
    برتقال للعصير كل يوم اعصر له برتقاله بعد المغرب
    بخار و برتقال ابو سره و موز
    مكرونة طويله و( مكرونة الحروف هذي لما أكون تعبانه احطها في ماء و قبل ما أطفيها أحط حليب المراعي يحبها ولدي) و صدقوني لو تسوون لعيالك مكرونه ابرك من الاندمي
    طبعا حليب ماهر الصغير ما يستغني عنه ولدي .....وطبعا أنا
    نسكويك أحطه مع الحليب الحار علشان يشرب حليب دافي قبل ما يروح الروضه خصوصا في الشتاء
    بسكويت البندق الاصلي

  3. @amphya_alrohamp

    رووووووووووعه الموضوع

    انا بالنسبه لي اجيب سريلاك بنتي مره تحبه
    واجيب لها شوووفان اغليه مع الحليب اومع صلصله
    اجيب لها معمول مره تحبه
    لوزين بالتفاح
    وشبيس
    اممممم وايش كمان

  4. @tatee_1

    اهم شي الحليب البودره المخصص للاطفال لانه افود من الطويل الاجل ... والزبادي والخيار ...وبعض الخضار

    الحمدلله قطعت النقت والبرجر والمجمدات المقليه مالها اي فايده مجرد نكهات والوان تشهي ومضره كنت اول ماستغني عنها لانها سريعه..

    وكمان الجبن السايل استبدلته بجبن فيتا نادك افود اوجبن حلوم اعطيهم في صحن مع اشوية زعتر بالشوكه اومع زيتون

    والحلويات الشبسات اخبيها وماعطيهم الا نادر المشكله انا ماقدرت استغني عنها الله يكفينا شرها ....بس ماابي عيالي يصيرون مثلي ..


    والبطاطس صرت اقطعه شرائح واسلقه عشر دقايق في مويه واشويه ملح واشويه مع زيت زيتون واقلبه في صينيه في الفرن اعجبتهم طعمها قريب من المقلي بس اصح طبعا اخذتها من اخصائية تغذيه

    مشكلتهم اكلهم خفيف مرره لازم اجوعهم بعدين ياكلوا ...


    المصيبه انه تعودنا من المطاعم واولادي تعودوا عليه لانه اسرع يارب اتخلص من هالعاده واعتمد ع طبخي بيتي من غير شر..

  5. @om_dhai

    Tatee@
    اهم شي الحليب البودره المخصص للاطفال لانه افود من الطويل الاجل ... والزبادي والخيار ...وبعض الخضار الحمدلله قطعت النقت والبرجر والمجمدات المقليه مالها اي فايده مجرد نكهات والوان تشهي ومضره كنت اول ماستغني عنها لانها سريعه.. وكمان…
    اما انا جايتكم وعندي لكم افكار :

    - بين الوجبات او قبل الوجبع الرئيسيه بشوي جيبي صحن وقطعي فيه فواكه مشكله الوان واشكال ولو لك خلق قطعيهم بقطاعات الحلويات اللي تحي اشكال وحطيهم بصحن حلو وصبي فوقهم عسل وعطيهم شوكه و خليهم هم براحتهم ياكلون بتنفتح شهيتهم

    - اطفالك يحبون الكورن فليكس؟ وابين حاجه نفس الطعم واكثر فايده ؟ حطي بقدر صغير كاسة حليب ومعها ملعقة اكل شوفان ولما يطبخ حطيه بباديه وصبي عليه شوية عسل و شوي قرفه طبعاً حسب الرغبه ويطلع نفس طعم كورن فليكس بس افيد وتصلح للي يسوون دايت ويحبون الكورن فليكس وما يبون النشويات

    - اذا يحبون الزبادي ولا تبيناللي بنكهات معلب علشان الالوان الصناعيه اشتري فواكه طازجه مثل فراوله وموز والخ واخلطيها بنفسك مع زبادي ساده بالخلاط وقدميه لهم

    - اذا يحبون الاندومي ولا تبينه شوحي على نار هاديه نقانق او قطع دجاج مع الخضار اللي تبين و صوص صويا و غطي القدر وهدي النار ولا قرب يستوي اسلقي الشعيريه اللي تجيك زي الكور وهي بالنار حركي وسطها بالشوكه علشان تتفكك بهدوء ولا تتكسر بعدين صفيها و ضيفيها للي شوحتيهم و زيدي صوص الصويا شوي و حركيهم سوا وقدميهم عيال عمتي صاروا يسمونه اندومي وتركوا الجاهز

    هذا اللي ببالي الان وعني بنتي اعطيها بسكوت شاهي او اوريو و فواكه و اقطع لها خيار مقشر وطماطم مقشره او شابوًره وحليب الحمدلله بعدها صغيره ولا تفهم بالحلويات عمرها سنه ونص واتمنى اني احافظ على صحتها بشكل كويس واتمنى تستفيدون من اقتراحاتي :26:

تابعي تجارب أخرى من هذا القسم.