يسسعد صباحكم يا اغلى اخوات وكيفكم مع الاجازه والحبسه في البيوت بسبب الغبار الله يكفينا ويكفيكم الشر
دايما الاحظ الام تميز احد معين من اولادها ويكون ليه الجانب الاكبر من محبتها ومعزه خاصه بقلبها خاصة البكري
سواء بنت او ولد والدلع لاخر العنقود والي يروح في الرجلين على قولتهم الوسطاني
انا بصراحه احب اولادي كلهم الله يحميهم ويكفيهم شر نفسهم ويبلغني فيهم خير بس الكبير ليه محبه اكبر حتى الصغير بس
بس ما يمنع اني احب ولدي الوسطاني واهتم فيه واعدل بينهم في اي شي يطلبوه بس بقلبي احس نفسي اميل للكبير واخر العنقود بس ماابين كتير امهات الاحطهم يميلوا للبكري واخر العنقود اما الوسطاني يعامل غير عن اخوانه يا اخواتي المحبه اولا واخيرا من الله بس في كل بيت بيكون ولد او بنت بين الاخوان مميز عند امه او ابوه يعني شي لا ارداي مو بيد الام او الاب اهم حاجه ما تصير تفرقه بينهم في المعامله عشان لا تتولد الغيره والحقد بينهم والعدل بينهم في كل امورهم
عموما ادعي من قلبي لكل ام الله يهدي لها اولادها ويصلحهم ويعطيها خيرهم ويكفيها شر هم ويكونوا بارين فيها
والي ولدها مريض ربي يشفيه ويرفع عنه البلاء
والي محرومه من الذريه ربي يطعمها وما يحرمها من الولد والبنت والله يجعل منهم الذريه الصالحه
" اللهم انك عفو كريم تحب العفو فاعفو عنا "
شاركي في النقاش
سجلي الدخول لإضافة تعليق.
التعليقات
57- يارب يا كريم يرزقك وتتهني فيهم الله قادر على كل شيء
- انا اخر العنقوووود وماحد قدي هههههههههه
الصغير مهما يكبر يضل بعين الام صغير خصوصا لمااخوانه واخواته يكبرووون عنه
ودايما الام تمارس امومتها معاه وتعتبره ملكية خاااصة
يعني انا امي عييت افهمها ان عمري 24!
انخطبت مرتين وفسخت كانت تبكي وماودها اتزوج عكس خواتي كانت تفرحلهم
الى الان تجيبلي اكلي تنتبه لي وش اكلت وش سويت
االبسي ثقييل برررد لاتخرجين بروحك
لاتنامين قومي اقعدي معنا
الله يخليها لي يااارب ويقدرني وابرها واحسن اليها
اما الكبير يكون فرحته لها طعم ثاني
لانو اول فرحة
وغالبا يكون له هيبة بالبيت ورايه يعتمد عليه من الاب الام
هذا رايي والله يخليك عيالك
وادعيلي يكون ام..وتكون لي ذرية صالحة حافظة لكتاب الله - اشااااعه بالعكس البعض يعاني انه مهمش
والبعض التقدير للبكر
والبعض التقدير للولد فقط
احس انه طبع استغفرالله
الله يصلح النيه والذريه
ويرزق كل محروم يااارب - الله يوفقك ويرزقك بالزوج الصالح الي يخاف الله فيكي ويصونك وما تنحرمي من الامومه يارب انتي وغيرك وربي يخلي لك الوالده وما تنحرمي منها
- البكري له محبه خاصة في القلب لانه اول فرحة ... واول مولود ...
انما اخر العنقود لا مو دايما مدلع مسكين بيصير هوه اللي دايما بنطلب منه الطلبات وتعال وخود وودي وجيب ولانه صغير بيسمع الكلام ههههههههههههههه ...
والاولاد اللي بالوسط بحسهم بيطنشو اكتر شي ...
لو انطلب منهم طلب بيقولو خلي فلان ( الصغير ) يجيبه ...
ولو الطلب كبير متل توصيل بالسياره لسوق او يروح يشتري غرض فلاني من سوق بيقول خلي فلان ( الاخ الكبير ) يروح ...
ههههههههههههه
اما محبته بالقلب كلهم متل بعض ..
وفيه امراة اعرابيه سالوها من احب ابنائك الى قلبك ..؟؟؟
قالت المريض حتى يشفى والمسافر حتى يعود والصغير حتى يكبر ...