انا ياخواتي مرت علي اربع شهور والله كنت انام والمخده غرقاااااااااانه من دموعي بسبب ظلم اخوات واخو زوجي لي هذا طبعا قبل 4سنوات
والقصه{انه انا طبعا كنت ساكنه مع ام زوجي انا وهي وزوجي وبنتي وولدي واثنين من اخوانه مره كان الضغط مرتفع معها والسكر ودينها انا وزوجي المستشفى كان عندها مراجعه واخذت العلاج ورجعنا طبعا ع الظهر تغدينا ودخلت غرفتي ونمت صحيت العصر طبعا مافي احد الا انا وام زوجي فجاه اشوفها جالسه جلسه غريبه بالصاله واناديها ماترد علي لما قربت منها لقيتها عيونها مقلوبه وبيضاء وفمها يطلع منه لعاب الله يكرمكم وجلست اصيح ماعندي احد ابدا طلعت الشارع ابغى احد بس يجي يساعدني ورحت لبيت عمي وجو المهم حاولنا نشيلها ماقدرنا جو عيالها وشلناها والله العظيم والذي نفسي بيده انه كل كلمه اكتبها صحيحه واني ماكذبت ولاظلمتهم بكلمه
المهم اللي صار انها دخلت غيبوبه وجتها جلطه والاهم انه بالوقت اللي انا فيه بصدمه وحزن ع ام زوجي خاصه اني شفتها بوضع مريع جدا اتهموني بناتها وولدها الكبير باني ضاربتها تخيلو لدرجه ولدها وبنتها وهي بالعنايه يقولون لها يمه فلانه ضربتك وتحرك بس اصباعها لهم يعني لا ولااقتنعو صارو يكتبو اسمي بورقه عشان تقراه وتقولهم اذا انا اولا<حسبي الله ونعم الوكيل عليهم ليوم الدين>
اللي حصل انها جلست بالغيبوبه اربع شهور وتوقف قلبها مرتين وكنت ادعي ربي ليل ونهار انها بس تصحى من الغيبوبه وتقولهم بس السبب بمرضها
والله العظيم اول ماصحت من الغيبوبه صارت تاشر لهم ع التلفزيون ويقولون لها نشغلو لك وتقول لهم لا واخر شي فهمو عليها لانه لسانها كان مره ثقيل من الجلطه انه التلفزيون انفجر وهي جالسه تتفرج وحاولت تروح تطفيه لانها خافت ولما وصلت عند الباب انفجرت الثانيه وبعدها ماحست بشي
والله والله والله انه كل بناتها جوني يعتذرون ويطلبوني اسامحهم لكن ماقدرت وقلت لهم الله لايسامحكم لادنيا ولا اخره
لانه كنتو تنامون مرتاحين وانا ادعي ربي بس انها تصحى وتقول لهم الحقيقه عشان مايعيشوني بظلم طول حياتي
والحمد لله ربي نصرني عليهم
واسفه ع الاطاله بس حبيت ابين لكم كيف ربي لما التجات له ودعيته ماردني خايبه بل استجاب دعوتي بعد اربع شهور
وحسبي الله عليهم ليوم الدين
مشكوره ع الموضوع اللي قلب المواجع
في يوم ضاقت فيك وفرجها ربي عليك تعالي واخبرينا ولكي الاجر من رب العالمين
متابعة النقاش، صفحة 52