شاركي في النقاش

سجلي الدخول لإضافة تعليق.

التعليقات

1,906
  1. السلام عليكم

    شخباركم بنوتات حلوات

    انا الحمد لله نزل علي نزيف اليوم

    وشافتني الدكتورة اتقول مافي شي بالرحم وتقول الرحم مغلق

    خلاص سقطتي

    كيف الرحم مسكر وتوه نازل علي اليوم الدم الغزير ؟

    وكيف الرحم فاضي ؟

    وهي تفحصني نزلت قطعة وشالوها للفحص

    وكانت اول قطعة تنزل مني

    بعدها رحت دورة المياة حسيت نزلت علي قطعة وانا انظف نزلت قطعة

    مستغربة شلون شافته فاضي مع هذي القطع الي نزلت لا ومسكر بعد

    احس الدكتورة مو مهتمة وقيها كان برووووووود غير طبيعي

    اقول لها بعد ما طلعت من الحمام وانتوا بكرامة : نزلت مني قطعة اشيلها تفحصونها

    الا تقول لي : ما ادري انتي تبين تفحصينها ؟ << شايفتني انا الدكتورة

    قلت لها انا ما ادري اذا تحتاجونها اشيلها

    فالت خلاص شيليها ورحت للممرضة قالت مافي داعي احنا شلنا قطعة كاقي

    الحين رجعت البيت
  2. السلام عليكم و رحمة الله و بركاته

    شلونكم بنات ، وش اخباركم ؟

    اممممم بقولكم قصتي صارت لي سالفة

    بما ان احنا في ويك إند فرحنا نتمشى ، وديت بنتي الالعاب ، بس انا طول الوقت قاعدة ، و بعدين رحنا مهرجان عندنا عشان اوسع خاطري شوي ، المهم و ردينا البيت تقريبا الساعة ٨ ، و يوم رحت الحمام و انتو بكرامة ، لقيت بقعة دم في ملابسي ، تعومست شوي ، قلت خلني اصلي و بعدين اخبر زوجي

    و يوم خبرت زوجي ارتاع ، و اتصل في التاكسي عشان يودينا الطوارئ ، طبعا احنا ما ذقنا الا غدانا ، و كان المفروض نتعشى ، بس زوجي قال خلنا نروح الطواري عشان نتطمن ، قلت اوكي

    رحنا للطوارئ ، و طبعا بنتي معاي ، و قعدنا في الانتظار ٤ ساعات ، و بنتي سوت لي مهرجان ، لانه جوعانه ، و ضاق خاطرها ، و اصلا فيها فرط حركة و نشاط ، يعني مستحل تقعد دقيقة بدون ما تتحرك ، يااااا ربي قعدت اصيييح و اللي في مستشفى يشوفوني متخرعين ، طبعا ابكي لاني مو في ديرتي و لا عند اهلي ، و بنتي مسكينه جوعانه و تبي تنام و ضايقة ، الحمد الله على كل حال ، المهم بعد طول انتظار دخلوني ، قعدوني يسألوني و كذا ، قالو احنا خايفين عليك من الحمل خارج الرحم ، قلت لهم انا بعد خايفة ، عشان كذا جيتكم .

    المهم قالو بناخذ منك دم و في نفس الوقت بنحط لك درب تحسبا لأي امر طارئ ، قلت اوكي

    ياهم عذبوني اظاهر جايبين متدربة ، قطعت يديني ، تدخل الابرة و تحركها تدور للعرق ، ألين انتفخت كفي ، قالت بدور العرق في اليد الثانية ، قلت اوكي ، و قعدت تحوس في كفي الثانية و اشوف الابرة تحت جلدي و هي تتحرك بغيت اموت من الالم ، و نفس الشئ ما لقت مسار للدريب ، قالت خلاص آخرة مرة بدور في ذراعك ان كني ما لقيت مو لازم قلت اوكي ، نفس الحكاية قعدت تحوس و تدورالين دخت عليهم ، و ذا كله و بنتي تبكي في الممر جوعانه و تعبانه ، و يوم شفتها كذا قلت خلاص انا معد اقدر استحمل ، الم و ايديني كلها تورمت. بعدين جاني ممرض مسلم ، قال انا ماراح احوس بالابرة بس بجرب مرة وحدة ان كني لقيت عرق و لا مراح احوس فيك ، قلت اوكي ، و سم بالرحمن ، بس ما لقى عرق ، بس ما عذبني يعني شل ابرة الدرب دايركت ، من القهر منهم قعدت اسب ديرتهم و سوء انظمتهم ، و بعدين قعد يقول لي انا الشهر الجاي بروح لابوظبي ، قلت احمد ربك انت بتروح للجنه ههههه

    و بعدين جا رئيس اطباء الطوارئ ، ما شاء الله من اول مرة لقا العرق و انتهت المعاناه و الحمدالله

    و بعدين و دوني غرفة في قسم النساء ، و جاتني دكتورة افريقية حبييييبة خلتني اقول اللي في خاطري كله ، و تقول لي اذا في خاطرك شي قوليه هههههه

    و كشفت علي ، ووووع ما احب الكشف و قالت لي عنق الرحم مسكر ، و هذا دلالة زينه ، و الدم خارج الرحم ، احتمال انه من تأثير هرمون الحمل .

    بس لازم تتنومين عندنا عشان نسوي التراساوند ، قلت متى قالت الاثنين ، قلت ما اقدر ، بنتي ما اقدر اخليها و زوجي يقول اذا تنومتي ما راح تقعدين بروحك ، آآه الحمدالله ع نعمة الاستقرار و الاهل .

    المهم في الاخير طلعت على مسؤليتي ، و وقعدت تعهد عن عدم تحمل المستشفى لخروجي


    وووبس رجعنا البيت الساعة ٢ و بنتي نامت جوعانه كسرت خاطري يعني بس كلت في المستشفى خرابيط ، شبس ككاو عصير

    الحمدالله على كل شي

    كلامي واجد هههه بس ابي اعيشكم قصتي

    احبكم
  3. romozi
    السلام عليكم و رحمة الله و بركاته شلونكم بنات ، وش اخباركم ؟ اممممم بقولكم قصتي صارت لي سالفة بما ان احنا في ويك إند فرحنا نتمشى ، وديت بنتي الالعاب ، بس انا طول الوقت قاعدة ، و بعدين رحنا مهرجان عندنا عشان اوسع خاطري شوي ، المهم و ر…
    يوووووووووه

    الله يعينك معاناة صراحة

    وين هذي الدولة الي هذا اسلوبهم

    غرييييبة

    الدول الاوربية وامريكا يهتمون بالحامل

    بس يخلونك اربع ساعات مشكلة

    وياريت هالتعب على فايدة

    معقول ماعندهم التراساوند في الطواريء!!!!!

    الله يعينك صراحة

    بس جاني فضول اعرف شنو هالبلد عشان اتجنبها :)

تابعي تجارب أخرى من هذا القسم.