زوجي حط في راسه انه يريدني ابيع ذهبي علشان انسافر لاهله قولولي شو اسوي ؟؟؟؟؟

السلام عليكم

كيف حالكم يا اخواتي ؟

راح اكتب لكم مشكلتي

انا متزوجه من سنتين وما عندي عيال وزوجي يقرب لي ولد عمي بس هو من جنسيه عربيه وانا خليجيه ...

المهم يا اخواتي انه زوجي بعد زواجي بسنه سافر عند اهله وقعد شهر عندهم في اجازة الصيف علشان يشوف امه واخوانه واخواته وانا ما سافرت معاه علشان الظروف ما تسمح له هو لانه بعدني عروس وبعدين اول مره راح ازورهم ولازم انا اجيب لهم هدايه وما شاءالله عددهم كثير اخوانه ست متزوجين وعندهم عيال وخواته متزوجات وعندهم عيال ولازم بعد اهدي جيرانهم..

المهم السنه الي فاتت ما سافرت وهالسنه زوجي عنده ظروف ويريد ياخذني معاه لكن متلومين في اهله لانه اذا سافرنه كذا وما جبنا لهم هدايه طبعا ما راح يقدرون وضعنا خاصتا انا اول مره ازروهم لانه على بالهم الي في الخليج خلاص شبعان فلوس وما عنده ظروف مثل ظروفهم ...

والمشكله الحين في هالموضوع

أنه زوجي قرب سفره وباقي شهر واهله يلحون عليه يقولون لازم اتجيب زوجتك معاك وراح تبدأ عطلته ومره يقول ما اقدر اخذج ومره يقول راح اخذج معاي ان شاءالله وربي راح يسهلها ولما تميت الح عليه قلت له كيف راح ادبر عمرك قال موب مشكله راح اتبيعين ذهبك وخذي ذهب اختك علشان تلبسينه هناك وبعدين يوم ربي يسهلها عليه راح ارد لك ...

فأنا على طول قلت له الصدق انه اختي باعت ذهبها كله وما عندها شيء طبعا اختي مطلقه ومالها في ذهبها لانه تبي تدخل فيها الاسهم ..

المهم انه انا الحمدلله عندي ذهب بس ما اقدر ابيعه بصراحه ما اضمن

وخاصتا انه اخوي بعد زواجي بفتره قصيره قالي اذا بعتي ذهبك او حاول زوجك يقنعك انه راح يرد لك وما ادري شو ما عندي هالسوالف اذا بعتيه وجهي من وجهك حرام ليوم الدين ...وعلى فكره زوجي ما يعرف هالكلام الي صار بيني وبين أخوي الكبير ...

يا اخواتي وانا بصراحه معه اخوي في الكلام لانه الرجال مالهم امان حتى لو يقرب لي ...

وخاصتا انا اعرف ظروفه كل شهر وهو يرسل لاهله فلوس كل واحد فيهم اذا صار فيه شيء يتصلون عليه وهو يرسل لهم ما قلت شيء انا هذوله اهله وهم حق عليه بس انا افكر انه كيف راح يرد لي فلوسي بعد ما ابيع ذهبي ...


اتمنى منكم النصيحه واتقولون لي كيف اتصرف معه زوجي وكيف اقنعه انه ينزل فكرة بيع الذهب من راسه

وتسلموون لي

102 تعليق 9,216 مشاهدة

شاركي في النقاش

سجلي الدخول لإضافة تعليق.

التعليقات

98
  1. @rmz_alahlam

    حبيبتي نصيحه من اختك وعاد انت بكيفج لاتبيعين ذهبك لان زي ماقلتي الرجال مالهم امان ؤحاولي تقنعينه ان الذهب شي اساسي عند الخليجات والي ماعندها الذهب تعتعبر ماهي المتزوجه وان اهللك بيسالونك عن الذهب بعدين عندي سؤال اذ مافيه الحراج وش جنسيه زوجك علشان يتضح كل شى
  2. @lojain99

    لا تبيعين ذهبك و حاولي تقنعينه انك تسافرين لهم مره ثانيه. صح مفروض انك توقفين مع زوجك في شدته, بس هذه مو شده عشانه يبي يهادي اهله و جيرانهم, بلا فشخره كذابه
  3. السلام عليكم ورحمه الله وبركاته
    هلا وغلا باختي

    هدي ولا تعصبين

    شوفي من وجهت نظري انك ما تبيعين ذهبك دام انك شاككه شوية بالموضوع ..

    ليش قلت لك هالكلام انا اقول لج ....
    بما ان زوجك يرسل لهم فلوس بين فترة وفترة يعني يقدر يدبر امره صح او لا؟؟؟؟
    قولي له بكل هدوء ... وحاولي بذاك اليوم تساحلينه :) قولي له : خلنا ناجل السفر فتره لحد ما تجمع فلوس الهداااااااااااايا ومصاريف السفر ... لا نستعجل اللي صبرنا كل هالمدة يصبرنا شهر او شهرين .. وان قال لك لا .. قولي له تسلف .. وان قال لك الذهب قولي له شوف الذهب وانا ما نغلى عليك .. لو تبي ابيعه بعته ولكن لك انت مو لاهلك ... ولا تضم اكره اهلك ولكن هذا الشي الوحيد اللي عندي ولا ابي افرط فيه عشان هدايا ...
    وان حدك حدك خلاص وشفتيه زعل قولي له طيب ابيع شي واحد ( وبيعي ارخص شي ) والباقي هو يكمله .... انتي مو ملزومة بالهدايا هو الرجال مو انتي



    بس تذكري اختي ان الكلمه حلوة تسحر الرجال وانتي وطريقتك ..


    والله يسهل لك دروبك وامرك ويرزقك الرزق الحلال


    اختك ام نصوووور
  4. @not555

    أختي تبيعين ذهبك من أجل هدايا لأهل زوجك ّّّّ؟؟؟!!!!

    صحيح لهمـ حق عليك 00 والهدايا تزيد المحبّة

    لكن

    لا يُكلّف الله نفساً إلا وسعها

    ذهبك أمان لك بعد حفظ الله عز وجل وتوفيقه

    يسر الله أمرك وفرّج كربتك

    تمنياتي لك بالتوفيق وراحة البال

تابعي تجارب أخرى من هذا القسم.