1_ هل تستخدمين نظام خاص بك وباسرتك ؟؟؟
انا عندي 3 اطفال بنت 10 وولدين اصغر واحد8 وواحد3ونص والحمد لله احس اني راضيه نوعا ما عن تربيتي لهم
طبعا الصلاه بوقتها اول ماياذن التلفزيون على مجد القران وكل واحد يستعد للصلاه واقص لهم قصص عن الصلاه واهميتها في حياتنا وعقوبة تاركها كمان معلمتهم ان اي شي يصير بالبيت
مايطلع برا نظامهم اليومي من نوم واكل ودراسه لايمكن يتغير معودتهم على الترتيب خاصه غرفتهم احملهم مسأوليتها
افهمهم ان في وقت للتلفزيون ووقت للعب ووقت للدراسه واذا كان يتابع شي بالتلفزيون وفي شغله اهم فلازم يقوم يعني شي اهم من شي واشياء كثيره لايتسع المجال لذكرها بس والله هذي مسأوليه متعبه الى ابعد الحدود الله لايضيع لنا تعب
2_هل وفرتي بيئه .............الخ
طبعا احاول ان اشجع مواهبهم زي بنتي تحب الرسم اساعدها واوفر لها الاغراض واعلمها برنامج الرسام والولد يحب الشعر طبعت له كذا قصيده وحاولت يحفظها وحده منها اشترك بها في حفل مدرسي وانبسط مره ..
3_ ها لديك خطه وهدف تسعين لتحقيقه ...
ايوالله اتمنى يحفظون القرأن واحاول اشجعهم مثلا ذكرت لهم فضل سورة الملك وقلت لهم الي يحفظها له هديه وكمان اسعى اني ابعدهم عن مغريات العصر زي الاغاني ابدا ماتشتغل فالبيت ولا السياره وهم عارفين انها حرام وتناقشنا فيها وكمان بنتي لبستها عبايه واحاول اخليها محافظه في لبسها وابين لها الفرق بين البنت المحتشمه والمؤدبه وبين بنات هاليومين .واكثر شي احاول ابعدهم عنه المسلسلات التركيه الي ضيعت المراهقين .. يعني اتمنى يطلعون زي ما انا قاعده ارسم بس الله يحقق لي منايه واشوفهم هداتًا مهتدين يارب
4_هل وفرتي لأبنائك بيئه .....
اهم شي اني فهمتهم انو اي شي يصير معاهم لازم يحكونه لي سواء فالمدرسه او غيرها واسولف معلهم واشجعهم يتكلمون ولو كانو غلطانين احاول ما اوبخهم بس ابين لهم وين الغلط بس اهم شي يتكلمون لان بعض الاطفال يتعرضون لمظايقات ويخافون يتكلمون وهذا خطر عليهم .. كمان امدحهم قدام اهلي اوصديقاتي لو سوو شي مميز واخلي بنتي تسوي كيك بمساعدتي واقولهم ذوقو شغلها .. يعني زي كذا .
***** الله اكون وفقت في طرح الاجابات وافدتكم يالغوالي
دورة بعد تعبك راحة للامهات للمناقشة .. شهر 5
متابعة النقاش، صفحة 8