بغض النظر اختي عن تعاملك معه
انا استغرب من الاباء او الامهات الي في حال الانفصال
يربون اطفالهم بطريقة غلط
بزعم ان عندهم نقص ولازم يتعوض
انا ما اقول للاباء اهملوا عيالكم وقصروا معهم
بس عوضهم بالحب والاحتواء
مو اخلي الولد يغلط وما اعاقبه او المبالغة بتلبية الطلبات المادية
وغيره من الاساليب الخاطئة
انتم اهل وترحمون عيالكم وتتحملونهم
بس الناس والمجتمع برا مو مضطرين يتحملون
بكره بيطلعون مدارس وجامعات بيحتكون بمعلمين واصحاب
اذا كان الطفل من البداية عنيد ولسانه بذئ بيصير منبوذ من الناس
واذا حس الطفل بهالاحساس ممكن يصير عدواني او انطوائي
انا مدري ليه مايفعل دور المستشارين والاخصائين عندنا
ترا التربيه صعبه خصوصا اذا كان فيه مشاكل مثل الطلاق او بعد الوالدين بسبب الوفاه او السجن او السفر للعمل
ومافيها شي لو سألنا واستشرنا
علشان ما نظلم عيالنا وحنا نعتقد اننا نساعدهم
من جد حنا عندنا مشكلة كبيرة بالتعامل مع هالاطفال
ونلقاهم يا اما عدوانيين وعنيدين وصعب التعامل معهم
او العكس تماما مكسورين وضعيفين ومسلوبين ارادة
ما اقول الا الله يرحم ضعفهم ويساعدهم وينبتهم نباتا حسن :(
هل انا ظالمة؟
متابعة النقاش، صفحة 7