السلام عليكم
بنات انا معي تكيس عطتني الدكتوره ابر منشطه استخدمتها ثالث يوم بالدوره ومازلت مستمره فيها لين يوم السبت ان شاء الله
المهم اخذت لي الدكتوره اشعه خامس يوم بالدوره وكان حجمها 8 *6 واليوم اخذت لي اشعه وبرضه نفس الحجم ماتغيرت قلت لها يادكتوره مهب لازم اكثر على نفسي الابر اصبري علي شوي ..تنرفزت وقالت انتي اصلن ماعندك استجابه ,استجابه مافي فهمتي مافي استجابه كررتها ثلاث مرات لين بكيت يوم شافتني ابكي وهي تقعد تواسيني شوي وطلعت اخذت ابره ورحت ودموعي بعيني والدنيا ضايقه فيني تمشيت بالسوق مابي اوري دموعي لزوجي يوم وصلت البيت سألني قال وش سويتي قلت له قالت الدكتوره مافيه استجابه قال وشلون قلت يعني كأنها تطقها بجدار قال والله حالتك صعبه وحاولت اغير الموضوع بس ماش زعل علي ودخل غرفته رحت له قلت له الله اكبر يافلان قلبت فروتك علي عشان كلام الدكتوره لي ومارد علي رحت انا طلعت شنطتي من الزعل وحطيت اغراضي عشان اروح لبيت اهلي كله ولا كرامتي حسيت اني انكسرت و على فكره زوجي مطلق ومرته كانت حامل وسقطت,,, امس كان يسولف لي عنها .... والحين يابنات هل من مشوره؟؟ اصبر ولا اروح لبيت اهلي واطلب الطلاق ؟ ردو علي الحين وعلموني اذا فيه شي يكبر حجم البويضه بيومين
شاركي في النقاش
سجلي الدخول لإضافة تعليق.
التعليقات
12- استغفر الله العظيم ..حبيبتي لا تزعلين نفسك والله اني حاسه فيك ..بس لا تتسرعين اتعوذي من ابليس واستخيري والحمد لله على العافيه احمدي ربك انك ماعندك مشكله كبيره التكيس الحمد لله له علاج وان شاء الله جسمك بيستجيب بس لاتنسي سوره البقره يوميا واكثري من الاستغفار وتوكلي على الله وخذي بالاسباب..واشربي عصير اناناس سمعت انو مره كويس للتبويض وربي يفرج همك ويفك كربتك امييييين ويشفيك يارب ويرزقك الذريه الصالحه
- صاحبة الموضوع #74118071
ام حبيبتها عذاري استغفر الله العظيم ..حبيبتي لا تزعلين نفسك والله اني حاسه فيك ..بس لا تتسرعين اتعوذي من ابليس واستخيري والحمد لله على العافيه احمدي ربك انك ماعندك مشكله كبيره التكيس الحمد لله له علاج وان شاء الله جسمك بيستجيب بس لاتنسي سوره البقره يوميا و…
مشكوره على الرد ام حبيبتها الله يسعدك ويوفقك وييسر لك كل عسر ويخلي لك عذاري وان شاء الله تظبط امورنا يارب تكرمنا بالحمل السليم المعافى عاجلا غير اجل - مايسوى حبيبتي تخربين بيتك وتشمتين الاعداء فيك ولا تضيقين صدرك من اي كلمه بعدين دكتورتك ما عندها اي سالفه اساليني انا خبيره في الموضوع ومجربه وبما انها شافت فيك بويضتين وانت لا زالت فيك الدوره معناه عندك استجابه ممتازه ما شاءالله ليش ما فيك صبر حبيبتي اول شى كوني على ثقه بالله تعالى وخلي قدامك دائما هذه الايه الكريمه (يقر في الارحام ما يشاء ) مو الدكتوره ولا انت ولا زوجك ثقي بالله واكثري من الاستغفار الى الف مره في اليوم لا يفتر لسانك عنه لا تخلين الشيطان يلعب براسك ويخليك تفكرين بخرابيط ويلهيك عن الاستغفار ونصيحه دكتورتك هذه شكلها ما عندها خبره كافيه روحي لغيرها واستعيني بالله وربك كريم ما يعجزه شئ في الارض ولا في السماء وانصحك بشرب اليانسون والبردقوش والله يفرجها عليك ويفرح قلبك وقلبي وجميع من تمنى من المسلمين والمسلمات ذريه صالحه مصلحه ياررررررب
- لا تستعجلي حبيبتي. دا كله من الشيطان
حبيبتي. إحنا لقينا بدل المستشفى مستشفيات كثيرة وأعشاب جربنا وما يأسنا أبدا حبيبتي ومن دكتورة وحدة على طول. قررتي تنهزمون
حبيبتي. قوي نفسك وهنا في الموقع فيه افضل الاطباء الي رحنالهم وراجعنامعاهم اسألي عن واحد او وحدة فيهم وروحي الين. ربي يكتبلك بالحمل السليم المعافى
الله ييسر لك أمورك يارب - الله يهديك
لاتروحي بيت أهلك ولا شيء
الحمد لله لسى بالعمر فسحه
ولسى فيه أمل
مايصير من أول تنشيط يصير لك كذا
تحملي وتصبري واجلسي مع زوجك
وتفاهمي معاه باسلوب
لازم تصبري وزوجك كمان
والتبويض يفرق شهر عن شهر
أحيانا تكون الاستجابة عالية وأحيانا ضعيفة
كثير من البنات تكنسلت عملياتهم
بسبب ضعف التبويض
والحمد لله ربي رزقهم بعدين
المفروض حبيبتي في مثل هالظروف تهدين نفسك شوي
لأن النفسية لها دور بتلخبط الهرمونات
استهدي بالله
وصلي ركعتين واقرئي قرآن
روحي لزوجك حبيبك وتفاهمي معاه
وتابعي مع الطبيبة
وبصراحة الأفضل بعد ما تنتهي من كورس العلاج معها
تغيرنها مو اسلوب تتنرفز وهي تدري كيف نفسيتك هالفترة
والزمي الرقية والدعاء وقت الاجابة والصدقة
الله يرزقك عاجلا غير آجل
مواضيع مشابهة
تابعي تجارب أخرى من هذا القسم.