يا امهات متى تقعدون مع عيالكم ؟

السلام عليكم ورحمة الله وبركاته ...كيفكم يا اخوات

يا بنات بسالكم متى يكون عندكم وقت تقعدون مع عيالكم ؟؟؟؟؟؟؟؟؟
انا بقولكم جدولي ...اول ما اقوم من النوم اخذ بنتي واغيرلها وافرش لها اسنانها (عمرها 3) بعدين اخذ اخوها (1ونص )....ابنت مو مرة تتكلم ...
بعدين اروح اسوي لهم فطور افطرهم ...بعدين افتح لهم التلفزيون واروح انظف المطبخ واطلع الدجاج الين ما اخلص من المطبخ ...اذا خلصت تنظيف اقطع تفاح واعطيه لعيالي عشان مايجوعون ...وهم في الصالة وانا كل شوي اطل عليهم ....المهم احيانا اتفنن في الطبخ واخذ وقت واحيانا اسوي اكل سريع ...المهم اخلص الغدا اطفي عليه واغدي عيالي بعدين انظف البيت طبعا يحوسونه واكنس قبل مايجي زوجي واغير لهم حفايظهم وشوي الا وهي المغرب وزوجي جاي ........وانا اكون قايمة كذا على وحده ....مدري انا بطيئة اوالوقت سريع

بس مافيه وقت اجلس مع عيالي والعب معهم ابد ...بس اغسلهم وااكلهم واحيانا يتضاربون اجي افك بينهم بس مافيه وقت اجلس معهم والعبهم ..ويجي ابوهم احيانا مايبغاني اتحرك من عنده يتعشى بعدين نقعد شوي وعيالي يدورون ويعبون في الصاله بعدين يفتح الكمبيوتر وانا اشيل السفرة وانظف ...بس يبقالي وقت قليل العب معهم هذا اذا ماحصلتهم نايمين ....كيف ارتب وقتي عشان العب معهم وكم تقضون وقت تلعبون مع عيالكم ؟؟؟؟هذا وانا ماني موظفة طيب لو توظفت متى اقعد معهم ؟؟؟؟

39 تعليق 8,313 مشاهدة

شاركي في النقاش

سجلي الدخول لإضافة تعليق.

التعليقات

39
  1. @mog_abhr

    صاحبة الموضوع
    وبس سؤال كيف تعاقبين طفلك اذا عمل شي غلط انا ما اعرف الا الطق ....وجدهم يقول ايش هذا ما تعرفين تربينهم
    اذا رحنا عندهم يكبكون الموية وينثرون المخدات ....واذا طقيتهم يقولون لا مو كذا تعلمينهم ......كيف اعلمهم اقولهم اح ككا عيب مافي فايده
  2. @alsrrryhh

    ياقلبي على عيالي والله بس مخاصمه وصياح وطول اليوم ارتب ويحوسون
    الازين اذا مر يوم ماضربتهم

تابعي تجارب أخرى من هذا القسم.