مستشفى الدكتور أبانمي .. الولادة .. الولادة .. لا للولادة فيه

فعلا كبير و على الفاضي

انا سويت عملية تنظيف الرحم فيه قبل سنه وربي اني ما اكذب عنايتهم حلووه ونظافه ويهتمون فيك ..
والحين حامل وولادتي ع رمضان ومفكره اولد فيه لانه قريب من بيتي واحسن دكتوره الهنديه والكل يمدحها ..
وكمان بنت عمي ولدة فيه وتمدحه وعملوا لها تجميل بدون ماتطلب ..
زوجي يقول اولدي في المملكه وانا ما قط جربته وبكريه وما اعرف الا ابانمي بس ..

غريبه ياختي والله اني ماراح اقول الا الصدق

اختي والده فيه مررره ممتازين وبعد صديقتها
يمدحون مره في طاقم التتمريض حقهم يقولون حنونات مررره
ونظيف مره

صادقه فيهم انا بهذلوني لما جو يحطون الابره. وتقول الوريد صغير وبعد صياح والام. وبهذله قلت لها جيبي ابره صغيره وراحت حضرتها وغيرتها بس عقب ايش

ابا نمي
طلقته بالثلاث
مستشفى فاشل بكل التخصصات
للاسف صاحب المستشفى فاتح مستشفى وش زينه بس استخسر يجيب دكاترة عدليين
كل دكاترته مؤهلاتهم بسيطة ومايدرون وين الله حاطهم جايبهم عشان رواتبهم قليلة
رحت لدكتورة النساء هندية كانها بالابتدائي يوم تكتب على الكمبيوتر !!
وبعد فترة رحت لسوريه ومارضت تكتب لي ادوية الهندية قالتلي هذيك كيف كتبتلك اياها!!
وحرمت اروح
ورحنا مره دكتور انف حنجره شخص التهاب اللوز غلط ورحنا دكتور ثاني استفدنا منه
ومره بنتي كانت مسخنه وكنت شاكة بالتهاب الاذن ورحنا طواري
واستقبلنا عند دكتور طفال كبير بالعمر وشكله مخييييف جدا كانه جزار
وقلت له بنتي يمكن عندها التهاب قال لا ماعندها
ورجعنا البيت والبنت قامت ترجف ووديتها طواري لدلة واول ماكشف الدكتور قال عندها التهاب شديد ببالاذن رفع لها حرارتها !!! وتوووووبة اطب هالمستشفى الخايس
محسوب علينا مستشفى بالحي والدكاترة حرام يتسموا فيه دكاترة
بس بالامانة فيهواحدة جزائرية او مغربية ممتازة بالتطعيم غير كذا لاحد يطبه
طولت بس مقهوووورة من هالمستشفى