انا رحت لطاقات اللي بالدمام بالعثيم مول يوم الاثنين الماضي
بالدور الثالث عند الالعاب
اول ما دخلت قالت لي اكتبي اسمك والوقت ووقعي والموظفه الثانيه طلبت هويتي ودورت اسمي بالكشف اللي عندها وقالت لي وقعي عند اسمك وعطتني ورقه فيها بيانات قالت عبيها الاسم والجوال والوظيفه اللي تبينها واقل راتب تبين وزي كذا
ودخلنا غرفه فيها طاوله زي الاجتماعات وجتنا موظفه قاعده تتكلم عن برنامج طاقات ومعلومات عامه وان طاقات فقط اخذ معلوماتنا من حافز وماله دخل بالاعانه سواء مؤهله او غير مؤهله حتى اللي مش مسجله بحافز تقدر تسجل بطاقات وتستفيد من ورش العمل مثلا ورشه المقابله ورشه العمل الجماعي ورشه تطوير الذات واللي حابه تسجل تقول للموظفه المسؤله عنها لان كل وحده منا بخصصون لها موظفه مسؤوله عنها وتبحث لها عن وظيفه حتى بعد ما نتوظف راح تتواصل معنا الموظفه المسؤوله لمدة 6 أسابيع للمتابعه
بعدين جتنا موظفه ثانيه قالت اللي عندها ظروف مثلا حامل او عندها طفل صغير وما تقدر تتوظف حاليا تكتب بالورقه وتطلع
وسألتنا قالت اللي تبي مدارس مين وفيه كذا بنت رفعوا ايدينهم قالت بتكلم عن المدارس واذا خلصت بتكلم عن الشركات
قالت ان قرار الملك لزيادة رواتب المدارس الاهليه فقط للمدارس الكبيره زي الحماد والبسام والحصان والظهران اما المدارس الصغيره تتراوح الرواتب من 1100 الى 1800 وقالت خلوا شروطكم تتوافق مع سوق العمل السعودي يعني لا تتشرطون وتطلبون اشياء تعجيزيه
وقالت بالسعوديه ما عندنا اختلاط اللي عندنا شبه اختلاط زي البنوك وارامكو تقول مدام ان الرجل ما جلس جنبي ما يعتبر اختلاط
والدليل تقول دخولكم هنا للسوق اكيد قابلتوا رجال او حتى كلامك مع السواق هذا ما يعتبر اختلاط
وتكلمت عن الموظفات اللي بالكاشير وفي محلات الملابس ووووووالخ
طبعا انا طلعت وقالت لي الموظفه اللي عند الباب وقعي خروج واكتبي الوقت
سمعت وحده تقول اللي يدقون عليها ثلاث مرات نجيب لها وظيفه وترفض يحرمونها من حافز لانها غير جاده في البحث عن عمل >>>> طبعا هالكلام سمعته من وحده من البنات الموجودات
وان برنامج لقاءات حضوره اختياري اما طاقات ألزامي
والله اعلم
استغفر الله واتوب اليه
حـــــــــــــــــــــافز(سيتم غلق اي موضوع مستقل )
متابعة النقاش، صفحة 447