بننتي وسؤالها

السلام عليكم بنتي عمرها 9 سنوات وربع شهور اليله وانا جالسه عند التلفزيون على برنامج فتاوى فيه متصله تسال عن الطهر المهم الشيخ جاوبها وبنتي عندي وتسمع الشيخ وهو يتكلم عن الدوره سالتني بنتي قالت ماما ايش الدوره قلت هذي لنساء الكبيرات المهم الزعجتني قالت تكفين علميني انا دائما اسمع بنات خالتي انا تعبانه عليه الدوره وتكفين المهم علمتها بتفاصيل وقامت تصيح والدموع لانها تكره تشوف الدم وخوافه قلتلها انتي سالتيني وعلمتك والبنات كلهن تجيهن البعض في عمر 10 سنوات والاتخافي مافيها شي لاكن احسها منصدمه مره وخايفه وتقول يارب اموت قبل ماتجيني ياماما ليتني ماسالتك وبعدين هي قريبه مني مره تسالني عن كل شي مثلا انا الان حامل بالشهرالسادس وحرجتني من اسبوع ماما بسالك سؤال صح انتي حامل اخيرا جاوبتها قلتلها ايه قلتلها لاتقولي للبنات بالمدرسه اواي احد لاني ماحبك تكوني ثرثاره قالت لا ياماما انا ماحب اتكلم بهذي المواضيع ربي يحفظها وكل بنات المسلمين سؤالي ياخواتي هل انا اخطات لما علمتها بكل اسالتها هل انا على خطاء اوعلى صح مع العلم انها هي الكبيره

4 تعليق 779 مشاهدة

شاركي في النقاش

سجلي الدخول لإضافة تعليق.

التعليقات

4
  1. @hafzyh_kol

    الله يحفظها لك انا ام4بنات جاوبها لكن لاتتعمقين بالاجابه
    الله يعين ع جيل اليوم
    زمان يوم نسمع الدوره تتلون وجيهنا
    واليوم ليت بس الدوره الا فاهمين كل شئ
  2. لا حلو انك جاوبتيها
    لكن يبغالك تقري اكثر عن اسئله الاطفال المحرجه
    وكيف تردي عليها
    ولاتتعمقي بالاجابه خليها مختصره وواضحه
    مو لازم تعطي التفااصيل
    والله يصلح لنا الذريه يارب
  3. @hlmy_f_aayonh

    عادي مافيها شي قلتي لها عن الدوره علشان لما تجيها ماتنصدم

    مع ان الأفضل دام هي خوافه مهدتي الموضوع يعني قلتي هي الم في البطن

    بعدين قلتي ويحتاج اهتمام من البنت وكذا تدريج عمومآ موقفك صح وكوني قريبه منها تاخذ المعلومه الصح منك

    احسن من تاخذها خطأ من غيرك
  4. صاحبة الموضوع
    مشكورات حبايبي على الرد والله يصلحلنا بناتنا واولادنا ويعيننا على تربيتهم التربيه الصالحه والله ياخواتي انا في جهاد ومعاناه مع هذا الجيل الله يستر ويحفظهم والله انه زمن يخوف الله يستر ويحفظهم

تابعي تجارب أخرى من هذا القسم.