هل زوجي غريب ؟

السلام عليكم ورحمة الله وبركاته

اخواتي ابسألكم عن زوجي وتصرفاته هل هي طبيعية ... انا عمري 21 وهو عمره 33 ... رزين ومحترم وثقل مع ابوي ومعجب به ابوي جدا ..

متملكين لنا 6 شهور وزواجنا الشهر الجاي .. مشغلني قلبي بشغله الا وهي تصرفات زوجي وحركاته ..

من الليله الاولى اللي تملكنا فيها لا من الساعه الاولى اول ما طلع من بيتنا بعد الملكه .. اتصل علي .. ويرسل رسائل .. انا بصراحه انفجعت من جرائته .. الولد جرئ ... وخفيف دمممممممم بشكل ما تتصورون .. استغربت وين ها الرزين والثقل اللي يسولف عنه ابوي .. لدرجه شكيت انه هو اللي شفته وتزوجني هههههه .. يكلمني كل يوم .. يرسل كل يوم .. يوم شافني ثاقله عليه شوي في البدايات ارسل مسج لي وقال : شوفي ... حركات ونصايح العالم اثقلي وانا اثقل ما عندي .. انا انسان صريح وواضح .. واللي بقلبي ع لساني ..!!! ... وعليه شطحات مدري وش تبي !!! اخبر بعد اسبوع من ملكتنا وتوني ما تعةوت عليه ومستحيه وداني السواق للسوق انا وامي وتاخر علينا ... عاد هو ارسل يسألني اخبارك وينك فيه .. يوم قلت له ان السواق تاخر ما دريت الا جاني للسوق عشان يوديني وانا وامي !!!! ويقول وش فيها انتي زوجتي ووخالتي .. !!! حتى ابوي انصدم !!!

المشكله انه خفيف دم وشطحات .. ثمين يقلب جدددي جدا في الامور الثانيه مثل الشقه وتجهيزات الشقه وامور الاثاث ..

من جد يا بنات احس اني متزوجه اثنين ما ادري ...!! ما ادري كيف اتعامل مع ها الشخص .. المشكله عمره ما يبين تصرفاته ابد !!!

23 تعليق 4,057 مشاهدة

شاركي في النقاش

سجلي الدخول لإضافة تعليق.

التعليقات

22
  1. @loloh_alkhld

    الله يوفقك في زواجك يمكن يحترم عندابوك وانتي يبيك تمونين عليه نفس زوجي كذا دعواتك لي بالحمل السليم
  2. @aakd_alyasmyn_1

    بدينا نفصفص بالرجال قبل حتى نروح عنده ...اخ منكم يا الحريم هههه تراه امزح

    شكلك تقري فقسم الاسريه كثير وتأثرتي :)

    مممممممممممممممم ما اشوف شي غريب


    ما غريب الا الشيطان


    بالعكس بعد قرائتي حسيت انه انسان طيب مع اهله وكريم وراعي فزعات ................ووقت الجد جد


    ما ادري هذا اللي حسيته ...............................يمكن بعد انا غريبه خخخخخخخخخخخخخ امزح



    الله يوفقك ويؤلف بينكم ويجمعكم على خير


    ويرزقكم الذريه الصالحه :)
  3. @no_smoking

    بالعكس شخصية زوجك ممتازة
    ليش متخوفه؟
    وبعدين لكل مقام مقال وهذا الصح تبينه جدي معك ومع غيرك وفي كل وقت موحلو ابدا بتملييييييييييين وبتكرهين عيشتك
    وعلى النقيض لو كان طول الوقت يمزح مايصلح ابد عالرجال غالبا اللي كذا مو قد المسؤولية
    وزوجك ماسك العصا من النص
    لاشخصيتين ولاهم يحزنون وخليك فرفوشة معاه لاتثقلين بزيادة

تابعي تجارب أخرى من هذا القسم.