شاركي في النقاش

سجلي الدخول لإضافة تعليق.

التعليقات

5,896
  1. @myranor

    مريم :)
    السلام عليكم صبايا غداً مطابقتي بإذن الله حابه أسألكم كم سؤال وين موقع إدارة التوظيف النسوي بالرياض وايش أخد معاي أنا اخترت آداب وتربيه تخصص تدريس لغة انجليزية ايش اكتب في التخصص لغة انجليزية والا مثل ماكتبت وكيف ادري أني مطابقة ودعواتكم …
    الله يوفقكم ويسر لكم أموركم ..
  2. @am_alftafyt

    السلام عليكم ورحمة الله وبركاته
    انا مطابقتي كانت اليوم الاحد بجده
    ولله الحمد مشت امور تمام ساعه ونا مخلصه
    واللي اخرني يابنات شي ماتتوقعونه بس عدت سليمه
    رحت ونا كلي ثقة معي الوثيقه ونسختين
    وكرت العايله ونسختين
    وكنت اشوف البنات معاهم فايلاتهم تبع التخرج
    واكياس
    وشنط الاوراق وكذا
    حسيتهم حوسه قلت في نفسي ليش هذا كله
    وكنت اشوف نفسي مكثره لنهم طالبين نسخه وحده
    ونا جبت نسختين
    ويجي رقمي ٥١ واروح للموظفه واعطيها اوراقي
    وترجعها تقول لي هذي شهادة حسن السيره والسلوك
    شهقققت 
    قالت الوثيقه بس اطلعي صوريها
    انا عندي بفايل الجامعه الوثيقه مطبوعه نسخه طبق الاصل
    واخذت وثيقتي وورقتين وراها مكتوب عليها صورة طبق الاصل
    ومن فلاحتي شفت شكلها نفس الوثيقه
    وراح عن بالي ان حتا شهادة حسن السيرة والسلوك منها صور طبق الاصل
    بس الحمدلله اني تاكدت من وثيقتي في البيت
    والسياره
    وحتا زوجي تاكد معايا
    بس راااحت عن بالي الصور مااتاكد منها
    وقالت الموظفه عادي اطلعي صوري الوثيقه صوره ونزليها
    واطلع ولو ان اللي تصور ماتعرف تصور الوثيقه ونص الاحرف مو باينه
    ونا مصره حتا الاطاااار تبع الوثيقه تبينه
    ومن ثالث محاولة ظبطت الصوره ورجعت للموظفه
    ماشالله عليها تذكرتني
    يمقن من شهقتي فجعتها 
    تقول لي انتي اللي صورتي قلت يب
    اخذت الصور ودخلت السجل المدني
    وطلعت بياناتي
    قرت علي اسمي وايميلي ورقمي ونا دخلت راسي معاها بشوووف اش بالكمبيوتر لقافه خخخخخ
    وقريت بنفسي وتاكدت مره ثانيه
    وطبعت ورقتين وقالت خرجيها من الطابعه رحت خرجتها واديتها هي
    الطابعه علا نفس المكتب
    وقعنا عليها
    ودبست وحده مع النسختين اللي خذتهم
    وقالت روحي للموظفه اللي جنبي وسلميها لها
    سلمتها الاوراق المدبسه
    وخذت نسختي
    وكان فيه ورقه
    مكتوب الاسم التخصص الرقم تبع الجوال
    كتبت ووقعت
    طمنتني قالت ماعندك اي مشكله الحمدلله
    ونتظري الرسايل بعد انتهاء المطابقه
    وان سالله تجيكي
    حسيتها كانها تقول مطابقه
    ورقتي ماقدرت اقرا
    لن وقت ماكنت اوقع هي كتبت علا مااعتقد علا اوراقي وقلبتها وحطتها علا اوراق البنات اللي قبلي جنبها يعني ماشفت شي 
    والله كنت مربوشه
    ورقم جوالي كتبته من الذاكره حافظته
    وودي دحين اتاكد من اللي طلع بالكمبيوتر
    احس وقتها مع الربشه والزحمه الواحد مو قادر يركز مع استعجال الموظفات
    وزحمة البنات وراك بالصف
    لنهم ينادو اربع خمس بنات عند كل مكتب
    منظم بس لابد من الربشه والصراحه ماينلامون البنات اللي جايين يطابقون
    القلق والترقب وكثرررة الاسئله اللي كلنا عارفين اجابتها
    بس حابين يتطمنو ويتاكدو بانفسهم
    لكن انصحكم تتاكدو من اوراقكم
    وتنتبهو عليها
    والله كم وحده شفتها طاح منها كرت العيله او بطاقة الهويه وهي لسا ماطاابقت تخيلووو
    والبنات ينادو عليها ويدوها
    غير اللي تضيع رقمها
    خلو كل شي بفايل مغللللق وانتبهو لاتطيح اهم شي

    حبيت افيدكم بتجربتي
    والله يسهل للجمييييع
  3. @am_alftafyt

    ونسيت اقول لكم

    قابلت العضوة لذة حلم لن مطابقتنا كانت سوا
    وتقابلنا هناك وشفتها وسلمت عليها

    تعرفت عليها من هالتجمع وشرفتني معرفتها
    ودحين احنا نتواصل بالوتس اب
    كان بودي نجلس نسولف شوي بس زوجي برا بالسياره
    وورانا سفر العوده لمكه

    تمنيت اشوف عضوتين برضو كانو بنفس اليوم
    بس ماقدر الله نتقابل
    وبس