رايكم ومشورتكم تهمني فلا تخيبون ظني

السلام عليكم ورحمة الله وبركاته
كيفكم يا أحلى نسوان
ابقولكم مشكلتي وأبغى منكم تساعدوني بعد الله
الحمد لله على كل حال أنا وأعوذ بالله من كلمة أنا
مبسوطة ومرتاحه ولله الحمد تسكن بجنبي جارتي
تعرفت عليها من سته شهور سبحان الله من اول ما شفتها
ما ارتحت لها أسلوبها وكلامها يعني شايفه نفسها
الموهم وهذا هو في يوم من الايام قبل تقريبا اربع ايام دخل علي زوجي
بعد صلاة العصر وجاني وانا بالمطبخ وقالي جارتك هاذي مو طبيعية
قلت ليه قال لاحظت عليها كم مرة اذا سمعت صوتي بالدرج تفتح الباب
وتكون في وجه الباب وتقفل أنا هنا انصدمت صراحه وحسيت اني حيييييل مخنوقه
وكمان قال ترا مرة واجهتني في الدرج ووقفت وحاطه عينها بعيني وانا حبيت أقولك
حسيت الموضوع غريب قلت أقولك أنا هنا توترت مرررره حسبي الله عليها ونعم الوكيل
وبعدين تعبت نفسيتي يارب أقولها واواجها ولا وش اسوي اربع ايام وانا ادعي عليها
الغريب بالأمر يا بنات أنا خرجت امس من البيت بزور جارتي في عماره ثانية وطلعت صوتي
عند بابي يعني أنا خارجه بصوت عالي وانا عند جارتي الا زوجي يدق عليها يقول جارتك
تدق الباب دقي عليها وشوفي وش تبغى والله العظيم نكدت عليه الجلسه ما طولت ورجعت
يعني تقريبا اسبوع ما دقت بابي ولا جوالي الا هاليوم كلمت اختي وعلمتها بالسالفه وقالت
لا تكلمينها ولا تواجهينها واتهربي من اتصالاتها عشان ما تدرين عن كيد الحريم يمكن لو واجهتيها
تعاندك وتغيظك اكثر وانا هنا تعبت والله تعبت بس كرهتها من كل قلبي ما عاد اتصورها هي زوجها
اسبوع مسافر وأسبوع عندها اعرف اني طووووووولت بس أبغى منكم تكفوووووون تساعدوني وش اسوي
اواجهها ولا أقطعها وبالنسبة لزوجي ابي اوضح له انها ما تقصد أنا صح ولا غلط خوفي الشيطان يلعب
بعقله وانا بعد شهر ونص بطلع من شقتي وبننقل مدينه ثانيه كيف أتصرف الين ننقل سامحوني بس والله
تعباااااانه حيل مو مصدقه  

6 تعليق 621 مشاهدة

شاركي في النقاش

سجلي الدخول لإضافة تعليق.

التعليقات

6
  1. @mzon_alhloh_1

    حسبي الله ونعم الوكيل

    حبيبتي انتبهي تبينين لها
    ماتدرين عن بنات الحرام

    والحمدلله انه بتنقلين وترتاحين
    وحاولي ماتواجهينها ولاتردين ع اتصالاتها
  2. الحين متزوجة وتسوي كذا
    مو صاحية ابدا
    عندي راي بس اخاف فيه خراب بيوت
    خليني ساكتة احسن
    على العموم حاولي تحملينها كلها شهر وانت طالعة
  3. @albrnsysh_66_1

    حسبي الله عليها ادعي ربي يكفيك شرها ويرد كيدها في نحرها الله يبعدها عنك ويشغله بنفسها حتي تنقلين
  4. @hlaaaaoy_2

    صاحبة الموضوع
    جزاكم الله خير مزون وام كنده أنا من التعب اللي فيني نزلت الموضوع مرتين ياليت المشرفات حذفو واحد منها  
  5. @krrt_afdfd

    خلي زوجك يعلم صاحب العماره وهو طالع و حذري جاراتك بالشي اللي شفتيه وهي لا تردين عليها ودايم رشي ماء مقري فيه عند عتبة بيتك و امسحي الابواب وانت خارجه علشان ما تأخذ من اثركم

تابعي تجارب أخرى من هذا القسم.