السلام عليكم يابنات.
بدخل بالموضوع على طول . كان عندي شغاله هربت قبل شهرين تقريبا يمكن ماهو مهم انها هربت لان كل الشغالات هاليومين يهربون من بيوت كفلائهم . المهم بالموضوع وش صار فيها ؟
بعد ماهربت جلست استرجع وش حصل بالايام الاخيره منها كانت طول الاسبوع الاخير ماغير شغل وكل ماقلت لها شي طيب استغربت بوقتها بس قلت يمكن الله هداها وقالت اعدل حالي وكانت تغسل بالملابس وتلمع بالبيت وتمسح بالغبار اللي جانا قبل فتره خلا البيت يرش غبار مع ان جانا قبل هالغبار بس ماكانت تتحرك ولا تتحمس انها تمسح شي غير لما انا اقول لها امسحي او اغسلي يعني تغيرت ميه وثمانيين درجه.
المهم باليوم اللي كانت ناويه تهرب فيه جمعت ملابسها اللي تبيه حطته بشنطه صغيره مثل شنط المدارس واللي ماتبيه حطته في كيس وتركته المهم طول ليلها وهي تحوس احنا بيتنا دور ثاني وحوله بلكونه شبااك غرفتها على البلكونه فكرت انها تغك هالشباك وترمي شنطتها من الشباك للبلكونه وبعد كذا ترميها برى عشان تاخذها لطلعت رمتها وطلعت مع باب البلكونه ورمتها برى .
الى الان مدري شلون طلعت من البيت من الباب او من البلكونه...قبل ماتطلع دخلت علي بغرفتي وانا نايمه وفتحت الدرج واخذت محفظة زوجي اللي كان فيها اجار البيت مبلغ 15 الف ريال وكان زوجي ساحبها من البنك ويبي يكمل عليها خمسه الاف بذاك اليوم ويعطيها صحاب البيت . مدري شلون شافتها مع زوجي المهم اخذت الفلوس .
جاني ولدي الفجر صحاني قالي يا امي الشغاله هربت ماصدقته بالبدايه لانه مافيه سبب يخليها تهرب معاملتها كأنها هي صاحبة البيت وانا اللي اشتغل عندها . المهمقمت على طول رحت اركض لغرفة بناتي وانظر وانهم كلهم فيه حمدة الله وزوجي يقوم يروح للدرج ويفتح المحفظه وان الفلوس مو فيه ويجي يقولي قلت له رح بلغ الشرطه يمكن انها قريبه يمسكونها.راح بلغ ولما رجع رحنا لغرفتها ندور وش شالت ووش خلت ونلاقي فلوسنا على سريرها ويطلع ولدي يدور حول البيت ملاقاها بس لقى الشنطه اللي كانت تبي تشيلها معاها وكل اغراضها اللي جت فيها من ديرتها واللي اخذتها من عندنا فيها . تخيلو وش لقيت بعد جوارب لبنتي الصغير توني مغيرتها وحاطتها بالغسيل شايلتها وملابس داخليه لي كنت مضيعتها بس ماتوقعتها انها اخذتها .وطلعت من بيتها مامعاها شي غير لبسها اللي عليها وفلوسها وباقيلها راتب 3 شهور نسيت اقولكم انها لها عندنا 11 شهر. يمكن لو بشرح لكم كل شي سوته طول هالمده مالاقي مكان بس يكفي هاللي صار قلته لكم للعظه والعبره وتجنبوا تثقون بالشغالات مهما بينت لكم انها طيبه وضعيفه ..
المهم بالموضوع ... اني كل يوم لما احط راسي على المخده اقول اللهم اني استودعك بيتي وزوجي واولادي ومالي وكل ما املك يارب العالمين لاني مو مرتاحه لها مررره وبفضل هالدعاء ربي عمى عيونها وادخل الرعب في قلبها وماقدرت تاخذ شي من اللي بغت تاخذه حتى اغراضها نسيتها .الحمد لله
اسفه طولت عليكم بس حبيت ابين لكم فضل الاذكار والدعاء هذا بالذات لا تنامين الا انتي قايلته ...
ادعولي ان الله يفرج همي واتوظف
شاركي في النقاش
سجلي الدخول لإضافة تعليق.
التعليقات
127- الحمد لله ربي حفظكم
فعلا هالدعاء عجييييب سبحان الله - بارك الله فيك
- الله يكفيك شر خلقه
صدقتي مايحفظنا ويحفظ عيالنا وحلالنا
الا الله سبحانه وتعالى
نستودع الله ديننا و انفسنا وابنائنا وكل نعمه علينا المشاركة المقتبسة غير متاحة.
اي والله لقيتها على السرير والى الان ماني مصدقه واقول سبحان الله وش اللي حصل لها خلاها تنسى كل شي حتى الفلوس ...- سبحان اللي خلاها تترك الاغراض
والدعاء فعلا عجيب عجيب عجيب خاصة المداومه عليه صبح ومساء
الله يحفظنا واياكم والمسلمين جميعا ويكفينا شر من به شر
لا اله الا الله ..
مواضيع مشابهة
تابعي تجارب أخرى من هذا القسم.