تجمع المتفائلات الثاني لمراجعات مستشفيات الرياض ومراكزها

السلام عليكم

كيفكم بنات انا بيادر نجد سجلت من جديد لان ماقدرت ادخل بمعرفي السابق

انقطعت فتره طويله عنكم بس ادخل اتطمن عليكم بين فتره وثانيه

ابشركم قبلوني المستشفى وبكره موعدي معهم

فيه سؤال محتاجه اجابته بقوه

هل تاخذون ابر التنشيط يومي عند التخصصي ولا عادي تقدرون اذا من مدينه ثانيه تاخذونها بمدينتكم

لاني قايله لزوجي انه بكره نروح وبعدين عادي اخذ الابر بمدينتنا وبعد كم يوم نرجع نكمل مع التخصصيي

هل اقدر اسوي كذا لانه زوجي مايقدر ياخذ اجازه طويله وبالعافيه قدرت اقنعه

اخاف يكنسل زوجي العمليه وياجلها هو مايقدر ياخذ اجازه اكثر من اسبوع وانا مالي احد بالرياض اجلس عنده

هلا بك
ومبروك القبول مقدما
اول شئ اذا كنتي البرنامج القصير راح يصرفون لم منشطات وتاخذينها باي مستوصف وبعد 6 ايام يعطونك موعد ثاني وبعدها بتصير المواعيد قريبه من بعض..
اما اذا كان الطويل فراح يعطونك ابره تحضير وبعد 3 اسابيع موعد ثاني ويصير زي القصير..
الله يتمم امورك على خير يارب ..

بنات تعرفون مستشفى جمايل الطبي

السلام عليكم

كيفكم اخواتي

الله يرزق كل متاخره يارب بالحمل السليم التام ويقر عينها وعين زوجها بذرية صالحه انه على كل شيء قدير

اخواتي الي يراجعون بالتخصصي في الرياض

انا ان شاءالله قاعده اجهز تقريري عشان ارسله عمليتي المقبله بإذن الله بتكون في التخصصي

بس مرعووووووووووبه من شي وياليت تطمنون قلبي وتقولولي الحقيقه

صحيح السحب يكون بدون بنج ؟؟ يعطون فقط مسكنات ؟؟ والالم يحتمل او لا ؟؟ يعني زي الم الدورة او اثوى او اضعف او مافي الم

بلييييييييييييز كل وحده جربت التخصصي تقولي واذا كان في بنج بيكون موضعي ولا كامل ؟؟ اذا موضعي كيف يعني تكوني صاحيه ولا كانك دايخه ؟ ولا كيف بالضبط

ريحو بالي الله يريح بالكم

ومشكوريييييييين مقدما

جمانه
الله يتمم لك يارب
بخصوص السحب ايوه بدون بنج بس يعطونك بالوريد زي المهدئ او بنج خفيف تحسين بدوخه بسيطه اما الآلام على حسب انا الحمدلله كانت خفيفه ومحتمله..