ايش رايكم في فكرتي ؟؟

@hoooor_aldnya

اخواتي الحبيبات ودي اطرح موضوع مهم جدا هل تؤيدن ان المرأة تعمل في مجال غير التعليم والصحة بمعنى هل المجتمع يتقبل امرأة تبيع في سوق انا عن نفسي فرحت اني اقضي اغراضي الخاصة من حرمة تعرف حاجتي وكمان الحريم اللي يعرضوا معروضات في الاسواق الشعبية بمعنى <بسطة >انا ودي ادخل هذا المجال في الصيف ودي اشتري بضاعة واتاجر فيها وهذا باب رزق باذن الله والعمل مو عيب يااخوااتي صراااحة انا مطلقة ودي في مصروف يكفيني عن سؤال الغير والله الرازق ايش رايكم اتوكل على الله وابدأرااح استخير باذن الله وكمان استشير وانا قلت اخواتي في عالمي الغالي رااح يفيدوني الله الله بالنصح على الخير احبببكم في الله :32:

18 تعليق 1,120 مشاهدة

0 0

شاركي في النقاش

سجلي الدخول لإضافة تعليق.

التعليقات

17

  1. @ord_althkryat_1

    بصراحه انا ماايد ابدا اول شي اختلاط ثاني شي مو مضمون دخلك ابدا يمكن اليووم تحصلي احد يشتري وينسيك تعب الوقوف

    تحت الشمس بكره ماتحصلي لانك عارفه هالايام معاد فيه ثقه خصوصا بالبساطات من كثر مانسمع من القصص صرنا نخاف

    نشتري من محل فرق 5 ريال اضمن اذا انتي حاه الشغله تقدري تصلحي مثل التاجرات ببيتك

  2. والله عادي جدا والشغل موعيب يمكن تكونين بعدين سيدة اعمال ترى رجال الاعمال بدو بشى بسيط الله يوافقك بس اهم شي استخيري قبل تبدين

  4. @rayaah_bhgaby

    لا مانع أذا كان في مكان يحفظ عليها حشمتها
    بالنسبه لبيع النساء للملابس الداخليه انا مؤيده لهالشي لكن المفترض انه تكون بمحلات نسائيه بحته
    او ع الأقل .. محلات مكشوفه قدام الناس .. في المنطقه اللي انا فيها عندنا حريم يبيعن في مراكز تجاريه مغلقه
    يعني تكون بالطابق الثاني .. ومختلطه مع الرجال شفتهم بعيني كذا فيها خطر ع البنات الموظفات تختلط مع هالعمال
    طيب برمضان المحلات شغاله للساعه 2 و3 الفجر كيف وضع البنت ؟؟ كيف أهلها يأمنوا عليها ؟


    يعني لاطبنا ولا غدا الشر !
    الله يرزقك ياأختي بالمال الحلال

  5. @astghfry_oansy_alhm

    صدقيني في الحركه بركه ومؤيده لكلامك
    الرزق يبغي له نفس طوييييل وصبر
    نصيحه مني اشتغلي في بيتك يعني جيبي بضاعه
    تكون مجربه مثل بخور زين وريحته يبقي بالبيت ثلاث أيام
    وأعلني عنه أولا في محيط عائلتك وجماعتك
    وثم عند جيرانك وراح تنتشر الأعلانات بين النسوان والمكاسب راح تنزل عليك وأنتي مرتاحه في بيتك
    صدقيني الرزق الي ربي كاتبه لك بيجيك لحد باب بيتك
    والله يوفقك ويرزقك الرزق الحلال الطيب

تابعي تجارب أخرى من هذا القسم.