كيف أربي ولدي ساعدوني ياامهاااااات

@am_loly_2011

:(ساعدوني يابنات الله يسعدكم كيف اتعامل مع ولدي عمره 5سنين يحرجني في كل مجلس وصاير عنيد ويحب يكون متسيطر على اخته واناني مايبي احد يلعب بألعابه ويبي محد يقوله هذا صح وهذا غلط يزعل ويضرب بالارض رجوله ويبي يلبس على مزاجه حتى لو مايصلح للطلعات واجلس ساعه اترجاه لين اقنعه والله تعبت معه وانا مااحب اضرب بس اخاف اني اخليه ويتمادى واقرب شي اليوم رحت عند جارتي واول مره اروح لها وشكله اخر مره انا كنت جالسه بالمجلس مع الحرمه الا هو دخل جوه شكلهم نادوه هم لانه يستحي يدخل عند الحريم لين هنا الوضع كان عادي جيت البيت الا اخته توءمه قالت لي ماما عمار اليوم قال للحرمه اللي جوه انتي ليش شكولاته يعني سمره والله انحررررجت بس خاصمته ووبخته بس يضحك ماخذ كل الامور بمزح وبضحك مدري انا موسوسه ولا هو مزوده حبتين :44:وارجو من الامهات اللي عندهم خبره بالتربيه وخبره با لتعامل مع الاطفال اللي زي طفلي تقول لي وش اسوي وكيف اتعامل معه لان خلاص وصل حدي ماعندي غيرهم وجبتهم بعد 6 سنين وبعلاج يعني حسوووو بمعاناتي الله يسعدكم أختكم أم عمار ولمار:icon33:

6 تعليق 1,021 مشاهدة

0 0

شاركي في النقاش

سجلي الدخول لإضافة تعليق.

التعليقات

6

  1. @god_al_gh_ym

    ههههههه ياعمري االله يصلحه ويخليه لك

    اتبعي معاه اسلوب التشجيع يعني

    اذا صرت مؤدب وتتكلم زين اعطيك كذا

    يمكن ينفع او استشيري مستشار اسري

  2. @ana_50

    مااشاء الله ربي يحفظهم لك

    حبيتي ماشاء الله ابنك كبير ويفهم

    كلميه بـ آسلوب ان انت كبير ولازم ماتقول كلام يزعل النـإآس وماتزعل ماما

    وتسممع الكلام

    فـ لما تسمع كلامي وتقول ان شاء الله اباخذك ع الالعاب

    انا بنتي عمرها 3 سنوات واكلمها بـ هذا الاسلوب وافهمها رغم صغر سنها

    صحيح وانا اتكلم ماتعطيني اعتبار بس بعد فتره تجي تبوسني وتقول والله ماما بقولك ان شاء الله

    ومااراح ازعلك خلااص

    ولما نروح مكان اقولها شفتي انا جبتك هنننا علشانك شطورة تسمعين الكلام

    وحتى لما اخذ لها لعبه والا ابوها يجيب لها من السوبر ماركت شي تحبه اقولها شفتي هذا لانك شطورة

    وتسمعين الكلام ومن هالكلام اللي يحفززها

    وربي يعيننا ويآجرنا بتربيتهم

  3. @soosoo_20

    دااايم كرري عليه انت مؤدب وتسمع الكلام وانت صرت كبير
    واذا بغيتي شي منه قولي له يالا يارجال وهيك
    وامدحيه حتى قدام الناس وهو يسمعك من باب التشجيع
    قولي حبيبي كبر وصار يسمع الكلام حبيبي مؤدب
    ولو سوا شي غلط قولي ليييييييييه حبيبي المؤدب مايسوي كذا كرري هالكلمه كثييييير
    انا جربتها مع بنتي ويااااربي لك الحمد تغيرت للافضل
    ربي يحفظهم لك ويصلحهم ويعينك ع تربيتهم التربيه الصالحه

  5. @am_loly_2011

    صاحبة الموضوع
    شكرا لكم ياخواتي على الردود وجزاكم الله خيرررر والله فرحت ان عندي خوات زيكم والله لي فتره مادخلت كنت مشغوله

تابعي تجارب أخرى من هذا القسم.