؛؛ وصلت لدرجه الياس وش اسوي يااااارب عوضني ؛؛

5 أبريل 2012

السلام عليكم ورحمه الله

كيفكم عزيزاتي في عالم حواء

انا متزوجه لي سنه وست شهور كان حملي الاول ولله الحمد بعد الزواج بثلاث شهور والحمد لله ربي كرمني وكنت اتابع الحمل بانتظام حرصا على ان ربي يتمم على خير..

كملت الحمل اول شهر والثاني والثالث وانا في تشوق لمعرفه جنس المولود كان احساسي انه بنت رغم ان كل المحيطين بي يقولون ولد كان البنت وباء ولا مرض والمعامله مااقولكم مره متحمسين وجاء اليوم اللي اعرف فيه جنس طفلي وفعلا طلعت بنت

المعامله مااقولكم اتغيرت على النقيض كاني مو حامل ولا صار اهتمام والله اني في عز الليل كنت اقوم وابكي واقول يااااااارب وش بيدي انا
دايم كنت اجلس لحالي اكلم بنتي واتخيلها معي قبل لاتجي وزوجي ولا صار يهتم واذا تهاوشنا على طول مااسمع غير الله يقلعك انتي وبنتك كانها مو بنته

بعد تعب الحمل والتشوق لرؤيه بنتي ومعاناه في بعض الشهور اخيرا وصلت للتاسع وقربت نور عيني تيجي وتسلي وحدتي رحت للدكتور اخر ميعاد وقالي البنت طبيعيه وحجمها ماشاء الله زين والولاده بتصير طبيعي ولا تجيني الا اذا نزل عليك علامات الولاده اللي هي دم او مويه او وجع غير محتمل

رحت البيت وانا مبسوطه طمني والمعنويات مرتفعه رغم قساوة زوجي واهله والله يااخواتي ماكان يرحمني وتدرون ثقل الحمل والبنات مره حملها ثقيل اكون جالسه مو قادره اجلس ماالاقي الا قومي سويلي شاي وش فيك صرتي ثقيله من عذري ناسي اني حامل

وجا اليوم اللي جاني فيه الطلق وموعد الولاده ورحت للدكتور وصار يكشف علي والطلق شغال ماني متحمله واشوف وجهه منعفس ومتغير ميه لون وتساؤلات عجيبه وانا ماني قادره ارد من الالم مااسمع الا جهزولي العمليات وكان الوقت المغربيه لحظي الاسودمافي لادكتور بنج ولا حتى ممرضه كان راسي براسه وكل شوي يهاوشني وانا اقوله وش فيه مايرد

اسمع صوت والدتي الله يحفظها تدعي وتبكي وانا احسب ان الولاده متعسره او فيني شئ ومجرد امي خايفه علي

شفت العذاب والله يمكن اقول شفت الموت في الولاده الطبيعي مرررره مؤلمه ومااخذت بنج الا لما حسيت ان الراس نزلت خلاص من شده الالم توقفت عن البكاء وصوت ماعاد بس اقول للدكتور كل ماتالمت ارجوك بتحمل بس ابغى بنتي سليمه ابغاها والدكتور لا ررد ولا هو داري عني

بعد استفاقتي من البنج في البدايه مااسمع الا الوالده تبكي وتقول قولي وراي اللهم اجرني في مصيبتي واخلفني خيرا منها انا لله وانا اليه راجعون انا ماادري وش فيه بس قلت مثل ماقالتلي امي

مااسمع الا ام زوجي تكلم وحده وتقول ترى بنتهاا

ماااااااااااتت
ماكنت ادري احس اني في غيبوبه وش تقول هذه بعد مافقت من الصدمه حمدت الله وقلت خير وانا قلبي يتقطع على الحلم اللي نمت احلم فيه 9 شهووور

طلبت اشوف بنتي واترجيتهم اشوفها مره مشتاقتلها والله يوم اشوفها تتقولون حوريه من الجنه كانت ميته في بطني لها 4 ايام لكن تشوفونها استحاله مو طفله ميته وكانها تضحك ضميتها لصدري وانا اتقطع عليه وحبيتها من راسها ويدها واخذوها مني عشان تتغسل وتندفن

الطبيب اكد انه قدر لا سبب لوفاتها طفله طول الحمل سليمه وسبب الوفاه مجهول ماقال الا قدر !!

الحمد لله على كل حال مؤمنه بقضاء الله
بعد ماخلصت الاربعين وعدى ثلاث شهور من الولاده ماصار حمل رحت اتابع عند دكتور وذلك بسبب الزن من اهل زوجي وزوجي رغم اني مالحقت ارتاح واتبهدلت في الولاده (طفله ميته مافي دفع والدكتور ولدني طبيعي) اخر تعب

رحت للدكتور طلع عندي قرحه وفيها صديد وكان ينزل علي دم سوالي كي للقرحه بدون بنج عذاب على عذاب ماعاد تفرق مااحد يحس بالوحده غير اهلها وقلت عادي يابنت خلي ربي يكرمك وتحملين

انا لي ست شهور بعد الولاده ومافي حمل والدكتور اكد لي ان مافي شئ وكل شئ مضبوط والزوج تمام

وصلت للياس اخواتي ماني مصدقه اني احمل ثاني احس الله عاقبني عشان اهل زوجي ماكانو يبغون بنتي بس انا وش ذنبي
اللحين يتمنون اظفر بنت مو بنت من اول ماشافو بنتي وكانت على قدر عالي من الجمال مانسوها مادرو ان الضنا غالي الا لما فقدوه زوجي اللي كان يتامر علي هو اللي شال بنته وبكى عليها وصلى عليها ودفنها بيده ماكنت مصدقه انه سوى كذا

اللحين زوجي اذا دردشنا قالي ابغى بنت اقول سبحااااان مغير الاحوال
والله اني في ضيقه مايعلم فيها الا الله ودورتي باقيلها 4 ايام وتجي وخايفه تنزل رغم ماعندي امل اني حامل

ارجوكم هذه قصتي ابغى دعوه بظهر الغيب ان الله يفرحني ويفرج كربتي

مالقيت احد افضفض معاه الا اخواتي بعالم حواء لما ضاقت بي الدنيا

ياااااااااااااااااااااااااارب

؛؛ وصلت لدرجه الياس وش اسوي يااااارب عوضني ؛؛

التعليقات

طول فترة الدوره أكرمكم الله وقلت نزولها

13/1 نزلت الشهر ده ولت لسه ؟؟؟؟؟؟

اطلب منكم دعاء عاجل لأني خلاص وصلت مرحلة يأس

وصلت مرحلة اليأس من الدعاء.لا حول ولا قوة إلا بالله

التبويض وصل