السلام عليكم ورحمة الله وبركاته
ازيكم يا بنات عاملين ايه ميرسى اوى على الاطراء المبالغ فيه منكم وربنا يخلينا كلنا لبعض
لحن الحياة بصى يا حبيبتى مذيب البلغم مش ضرورى للكل بس فى المواقع الاجنبية بينصحوا بيه علشان يخلى عنق الرحم لزق فيسرع من حركة الحيوانات المنوية اما اللى بياخدوا كلوميد فياريت ياخدوه ضرورى مع الابرة التفجيرية 10000 علشان يضمنوا بويضة كبيرة رقيقة وكمان السكة ليها سالكة
سوسويت ياحبيبتى معلش اتاخرت عليكى بصى مذيب البلغم للزوجة عند الرجل اسمه بيسلفون هاتى الاقراص احسن وكمان علشان تركيزها اعلى من الشراب وخليه ياخد قرص 3 مرات يوميا و لازم شهر اقل حاجة شهر ومعاها فيتامين سى هاتيله اقراص الفوار تركيزها اعلى وطعمها مقبول
والاخت اللى بتسال عن الحيوانات المنوية بتجددامتى بصى الحيوان المنوى علشان يتكون فى الخصية بياخد 60 يوم علشان بقى ينزل فى السائل المنوى ياخد من 12-15 يوم يعنى نحسب على 72 او 75 يوم من استخدام الفيتامينات تضمنى نسبة حيوانات منوية وسليمة بدرجة كبيرة انما ممكن اذا استعمل الفيتامينات لمدة اقل مثلا شهر بتلاقى تحسن ملحوظ يعنى مش ضرورى تتقيدى ب75 يوم بس انصحك انه اذا كان جوزك عنده مشاكل لزوجة او ضعف حركة ضرورى ضرورى تخليه يواظب على الفيتامينات اقل حاجة شهر والفيتامينات بسيطة قوى زنك اقصى جرعة يومية 50ملجم اكثر من كدة ممكن يسبب تسمم وفيتامين اى يفضل تركيز 1000 وفيتامين سى و السيلينيوم والبيسلفون وفوليك اسيد ويفضل معاهم اسبرين اطفال علشان برضه يعمل سيولة بسيطة فى الدم فيسرع حركته فى الاوردة اكتر وينشط الدورة الدموية عنده وممكن تلاقى الدكتور كاتبله على فيتامين واحد فى تركيبته كل الفيتامينات اللى قلتلك عليها
مبروك جالك ولد ميرسى يا حبيبتى والله انا لما شفت مشاركاتك فى الاول اعجبت بيكى جدا ولما بقيتى عضوة فى الشلة بقوة حبيتك قوى وشرف لى انى اكون شبهك فى اى حاجة رغم انى بحسك عاقلة و رزينة طول الوقت اما انا ثرثارة لاقصى درجة وبالنسبة للمشاركات انا مش بحب اشارك الا لما فعلا يبقى عندى معلومة ذات قيمة بس هنكش كدة على اى معلومات واشارك بيها
وربنا يهب لك ولى ولكل بنات الملف توام اولاد ذكور صالحين ومصلحين
ملف العمل بالاسباب لانجاب الاشبال ~~تجارب ناجحة وتباشير فرح باذن الله
متابعة النقاش، صفحة 107