تجمّع الأمل 56 للمقدمآت ومنتظرآت نَتِيجَة أطْفآل الأنابيب

السلام عليكم
اخواتي اكتب لكم وانا صاكه فيني الدنيا الله يجبر بخاطر اللي ترد علي
انا هذا الشهر بديت حقن مجهري بالحبيب وكنت مسويه وحده قبل سنه بذريه وفشلت وكان عدد البويضات 16 فالدكتور اللي بالحبيب قال هذي كثييييره وعطاني ابره تنشيطيه150وحده بس وابره بالجلد واليوم صار لي سبع ايام وبعد الاشاعه ماطلع الابويضيتن حجمهم 13 و11 والباقي صغير مره وقالو لي خوذي ابرتين تنشيط يعني صارو 300 واستمري ثلاث ولو ماصار استجابه راح نكنسل العمليه هذا الشهر
اللي ابي اعرفه فيه احد تنشطت عنده البويضات للحجم المطلوب بثلاث ايام ووش تنصحوني فيه هل فيه اشياء طبيعيه اقدر اخذها تزيد الحجم واكون شاكره لكم

يا حياتي انا عند الحبيب الدكتور محمد البقنة


اول اسبوع ما كان عندي استجابة و حزنت مرره اعطاني 150 لمدة اربع ايام
و 75 لمدة يومين و بعدين رحت للاشعة قال الاستجابة عندك مرة ضعيفة و ضاق صدري

وزاد الجرعة الى 300 لمدة خمس ايام و بعدها اشعة

رحت وانا خايفة يوم الاشعة قال ماشاءالله المرة هاذي الاستجابة ممتازة امورك طيبة

راح اعطيكي علاج يختلف عن الثاني يومين 75 مينوغون اثنين بودرة وواحد ماء

و بعدا بيوم الابرة التفجيرية تآخذينها في المساء يوم الإثنين الساعة عشرة و الثلاثاء ترتاحين و تصومي من الساعة 12 و تجيني الاربعاء الساعة ثمانية

امس تم السحب سحبوا مني سبع بويضات واليوم كلموني السبت عندي ترجيع تلقح عندي ثلاث من سبعة ربي لك الحمد والشكر والله يجعل هالأجنة من نصيبي في الدنيا و ان لم تكن من نصيبي اللهم اجعلها لي خيرا و جزاء في الآخرة و ضاعف بها حسناتي و حسنات زوجي ياكريم


الله يسهلها و يكتب لنا الي فيه صلاح لنا و الأزواجنا
ملاحظة : في الخمس الايام الثانية كنت اشرب على الريق ملعقة عسل رويال مكتوب عليه لك سيدتي اخلطه مع موية او حليب و اشرب قبل أنام نفس الشي

وانا امس عملت نفس التحليل داه يوم 17 من الترجيع وطلع 7 ونص وسال زوجي دكتور في الطوارئ قاله حمل على الخط الفاصل ولازم يرتفع عشان يعدي الخط
ودكتوري مايرد على الاتصال عشان اساله
ليت اللي عندها خبرة في التحليل تفيدنا