(بسم الله الرحمن الرحيم)
الموضوع ومافيه حرمة ولدي خلصت فترةنفاسها ورجعت لبيتها وخبرتني تبي الشغالة تنظف الملحق وهو عباره عن غرفتين+مطبخ صغيرون+حمامين تكرمون, المهم كلمت الشغالة بوّزت وخذت أدوات التنظيف وراحت الملحق (على فكره هو في الحوش ) ردّت الشغالة وانا مستغربه كيف خلصت الشغل بسرعة, ويمكن بعد ساعه جتني حرمه ولدي تقولي الشغاله نظفت الحمامين واخدت اغراضها, وهي تكلمها تروح تنظف المطبخ مدت بوزها وجلست تتكلم بكلام مب مفهوم وتركت حرمه ولدي, وجت البيت عندي وماخبرتني المهم رحت كلمت الشغاله واسالها ليش ماكملتي التنظيف..؟, قالت: (طبعا اغلب كلامها اثيوبي وشوي عربي) انه هي مسؤوله على تنظيف بيت ماما واي شئ تريده ماما بيسوي داخل البيت. اما خارج البيت مابشتغل، جلست اقنعها بنعطيك فلوس لتنظيف الملحق مارضت, وحاولت اكلمها من ناحيه الدين... لازم ترحمين المسلم اذا طلب المساعدة ..وكلمتها من ناحيه الرحمه واقولها انتي حسيتي بالنفاس، والصغير يبغي امه ترضعه بس كل الكلام ماجاب نتيجة واصرت انها ماتنظف وانا فذاك الوقت عصصبت :angry2:..اخاف لوغصبتها يكون علي اثم، ايش الحل مع هذي الشغاله العنيده..؟
دمتم بود
شاركي في النقاش
سجلي الدخول لإضافة تعليق.
التعليقات
59- لا تغصبينها
اذا اشتغلت عندها من نفسها الحمدلله رفضت براحتها لانها جت تشتغل في بيتك وهذا حق من حقوقها حتى لو عطيتوها زياده لها حق ترفض او تقبل .. لا تشدين عليها ترا جرائمهم تشيب الرأس
مره ولدك بامكانها تجيب شغاله اهلها او تستأجر شغاله بالساعه - صادقه الحرمه مدري ليش انتم مفكرينها مكينه هي
يختي مب ميته مرت ولدك اذا نظفت بنفسها - المفروض تدهن خشمها ﻻزم تعطيها وتسايسها ا
بالقوه مايجي شيء حرام تكرفينها في بيت. غيرك - صدقيني هم كذه كلهم ماهو عناد لكن يعرفون حقوقهم كويس ماهم مثل الاندنوسيات اي مكان تروحين فيه تشتغل او حتى الفلبينيات والسرلانكيات
هي ماهي مجبوره تشتغل الا عند كفيلهاااهذا الكلام قالته لي شغاله ام زوجي اثيوبيه ومرة خالتي وراحت زيارة لبيت بنتها والشغالة بس جالسه رفضت تشتغل
انتي لاتجبرينها تشتغل لانها ماهي ملزومه بعدين لو زوجة ولدك أعطتها فلوس يمكن غيرت رايهااواشتغلت بطيبه خاطر - عسل وكيك:ياحبيبتي البدايه والله ماغصبتها كلمتها بدون عصبيه سكتت وراحت ,وهي تشتغل تمام وتمشي على كيفي بس استغريت من تصرفها.
beautiful girls :والله ماغصبتها واعاملها معامله زينه، حرمه ولدي جابت شغاله بالساعه بس تعرفين مشاكلهم عكس اللي تشتغل عندك تعرفينها
بدارين: شغلها في بيتي خفيف, اولا ماعندي اطفال+ماتطبخ +ماتغسل ملابس +عددنا قليل .
مدمنه عالم حوا:يااختي ماتكرف عندي شغل بيتي شوي.
زوجه طيار:احنا كنا بنعطيها فلوس وكلمتها رفضت (احس والله اعلم كذا عناد)
مواضيع مشابهة
تابعي تجارب أخرى من هذا القسم.