مشكلتي حساسه ومعقده //قديم

حبيبتي احنا ماعندنا لك الا حاولي او تطلقي والدعاء
الحل بيدك انتي التغيير لازم من عندك
كنتي قويه من البدايه وتحملتي كل هالمأسي كوني قويه هاالمره وانتصري على همومك واحزانك
وابدئي من جديد اذا انتي ماأنقذتي نفسك محد يقدر يساعدك انتي صاحبة الحاجه
لاتقعدين تبكين وتولولين ترى محد بيجيب خبرك حتى احنا تعاطفنا معك ايه بس كلها كم يوم وبننسى سالفتك
وبتستمرين على وضعك فلازم ياقلبي ويابعد روحي انتي تبدأين سامحيني على بعض الكلام بس هذي الحقيقه
اول نقطه واهمها اغصبي نفسك على قيام الليل لو ركعتين وادعي ربك بالفرج وبكل مافي قلبك
الزمي الأستغفار طول يومك
ابدئي تواصلين اهلك بالتدريج
اهل زوجك افضل لك انك تقطعينهم مؤقت لحد ماتعدين من حالتك
تواصلي مع ناس تحبينهم
روحي السوق اشتري ملابس للبيت جديده وملابس للطلعه موشرط تكون كثيره لو لبستين
اتحممي كل يوم وتعطري لنفسك مو لأي احد ثاني
خذي ولدك وامشي مسافه من بيتك ثم ارجعي وكل يوم زيدي المسافه ترى الرياضه والمشي تحسن المزاج
ادخلي قسم الصحه والرشاقه هنا فيه قروبات والبنات بيشجعونك
رتبي بيتك تساعدي انتي وولدك بخري البيت واذا فيه مجال تغيرين نظام بيتك واذا لا مو مشكله
اشحني نفسك من الداخل بالأمل بالله وحسن الظن به والتوكل عليه
لاتستسلمين للأحزان والهموم والناس اللي ماتخاف الله خلك قويه علشان نفسك قبل اي شخص وعلشان ولدك فكرتي فيه كيف بتربينه وكيف بتكون شخصيته مع ام محطمه ومنهاره اكيد بيتأثر بحالتك
وريحي نفسك من الدعاء على اهل زوجك بس كرري دائما ( حسبي الله ونعم الوكيل ) والله سبحانه ناصر لعباده
ربي ولدك على محبة الله ومخافته وعوديه ع المسجد
زوجك لاعاد تناقشينه وين كنت وايش سويت مو علشانه علشانك
اذا جاك رحبي وهلي واذا رح استودعيه الله وادعي الله ان يصلح مابينكم
اعتذريله عن مواصلتك لأهله قوليله بس مؤقت الين تتحسن نفسيتي
اهم شي واصلي امك واخواتك في البدايه في التليفون ثم خليه يوديك او روحي انتي وولدك بطياره او حتى نقل قوليله نفسيتك تعبانه ومحتاجه تروحين لأهلك
اذا رحتي حاولي تتواصلين مع صديقاتك راح تحسين بتجدد
طبقي هالاشياء اللي قلتلك واجزمي وقبل كل شي توكلي على الله
صدقيني لو طبقتي بعضها بتحسين بالفرق
ابدئي بالتدريج
ارجوك ارجوك لاتستسلمين مثل ماقاتلتي وصبرتي في البدايه قاومي هالمره علشان نفسك وعلشان ولدك وربي اني راحمته
ودي اعرف وش وضعه الحين وهو شايفك كذا اااااااه طالعي بعويناته وضميه وعوضيه عن كل ماشاف وسمع وقومي له وانهضي بنفسك وبوليدك وببيتك ولا تخلين الناس تتشمت فيك
مشوار حسست بكل كلمه كتبتيها تمنيت اني اعرفك او اني بجنبك
بس اوعدك ماأنساك من دعائي
اتمنى تطمنينا وش صار معك وتتواصلين معنا هنا كلنا خواتك
وتأكدي انك على وضعك فيه ناس حالهم اسوء منك فلا تيأسين
موفقه ومسدده ان شاء الله وقلبي معك

الله يعينك ويكتب لك الاجر يااااااااااااااااااارب
مالي غير الدعاء لك .....لكن ثقتي بالله قويه انه رح ينصرك وانا اختك .....
الظلم ظلمات يوم القيامه......ودعوة المظلوم مابينها وبين الله حجاب.......ادعي وانا اختك انا الله ييسر امورك ويصلح ولدك ويهديه ويسخره لك وان الله يرد كيد من ارادك بسوء في نحورهم

والله العظيم حسيت بشيء يعصر قلبي عليك

أسال رب العرش العظيم ان يفرجها عليك
أسال رب العرش العظيم ان يفرجها عليك
أسال رب العرش العظيم ان يفرجها عليك
أسال رب العرش العظيم ان يفرجها عليك
أسال رب العرش العظيم ان يفرجها عليك
أسال رب العرش العظيم ان يفرجها عليك
أسال رب العرش العظيم ان يفرجها عليك

وبالله عليك لاتخلين الدنيا اكبر همومك مهما كبر مصابك ووكلي أمرك كله لرب العالمين ماينساك من رحمته
وأنتي يالغاليه ماصبرتي هالصبر كله ألا من الخوف على ولدك وفعلا خافي عليه من اللي مايخاف الله والمفروض انك تساعدين نفسك علشانه وعلشانك سوي اللي يقولون لك البنات حاولي تغيرين من نفسك من عبادتك حتي يغير الله امره فيك
ولاعاد تهتمين بأي من البشر أنتي وولد وبسسسس
ان شاء الله نسمع عنك أخبار تسرك وتسرنا وطمنينا عليك

حسبنا الله ونعم الوكيل خلي املك في الله كبير واذا تبغي نصيحتي ارجعي بيت اهلك لان لو ولدك كبر بجو زي كذا هذا راح يضره مايفيده مؤ دايم وجود الاب مهم المهم الراحة النفسيه فكري بولدك لو كبر وهو يسمع هذا الكلام من جدته وأبوه وأهله هذا راح يدمره نفسيا

شوفي ياعسل بعلق ع قصتك بس اتمنى كلامي مايجرحك

اولآ00 انتي غلطااااااااااااااانه غلط كبير لانك سكتي لزوجك وطاوعتيه انك تنقطعي عن اهلك وعن زواج اخوانك عشان ترضينه
ياحبيبتي الوحده تطاوع زوجها بكل شي الا في اهلها انتي قطعتي صلة الرحم اللي ربي أمر بوصلها عشان هالخايس ليش ياعمري من يكون هو عشان تتغربي عن اهلك بالسنوات تري الرجال وااااجد بتلاقين اللي يصونك ويقدرك ولاتنسين انو ربي امر بصلة الرحم وقال الرحم معلقه بين السموات والارض من وصلها وصلته ومن قطعها قطعته فمابالك انو اللي انتي قاطعتيهم امك وابوك واخوانك وخواتك

ثانيآ / دامك واثقه من نفسك لا عمرك ظلمتي احد ولا تشمتي ع احد ولا استقويتي ع احد لاتتضايقي وافرحي بظلم الناس لك لان درجاتك عند الله تضاعف ولاتقولي اكيد ظلمت اهل زوجي والا ليش ربي اخذ بنتي حبيبتي الحياه والموت بيد رب العالمين وكل انسان يوافا اجله لايقدمه ولا يأخره والأرواح ماتقبض الا لانتهاء اجلها مو عشان احد من الناس وهاذا ابتلاء لك والله لو مايحبك ماأبتلاكي اشكري الله في السراء والضراء

ثالثآ/ من اكبر غلط انك تسمحي لأحد يطاول عليك وتسكتي عن حقك وتتغاظي حبيبتي اي احد يغلط عليكي خذي حقك من وقته ولا تسكتي لانك كذا بتطمعي الناس فيك وتخلينهم يتمادو بأهانتك دامك عارفه نفسك ماغلطتي بشي دافعي عن حقك واعطي كلن ع قد مايعطيك

رابعآ / لاتضعفي وخليك قويه قدام الظروف ولاتهزك لا ام زوجك ولا غيرها وانتبهي تبيني ضعفك وانكسارك لأحد

خامسآ وهو الاهم// استمري ع صلاة الليل وخاصه بالثلث الساعه اللي قبل أذان الفجر وادعي ربي على كل من أذاك وظلمك
وشغلي سورة البقره واستمري دائمآ ع سماعها وبأذن الله راح تفرج همومك كلها وتحسين براحه عجيبه انتي نفذي كل حرف كتبته لك وصدقيني راح تدعين لي وتذكريني بالخير واتمنى من الله يكون في عونك ويقويك ويبعد عنك كل هم وحزن

ولاتنسيني من دعواتك لي بتحقيق امنياتي والنصر ع من ظلمني