أخوي وعروسته

اذكري الله الله يهديك على ايه حاسده الحرمه على حظها بزوجها الي بشهرين طفش ومل ؟!
وبعدين اخته واكيد بتمدحه وبتحط انه ملاك ووسوا لها كل شي وكل هذا بشهرين :blink:

بصراحه بقول لك الى جاء فى بالى وبكل صدق
اخوك يبي له وحده عندها خبره فى الحياة الزوجيه يعني ام ارمله ولا مطلقه تمرسه على الحياة الزوجيه
ترى الى متزوجه بنت ماتدري وش لون شخصية الرجاجيل خبرتها فى الحياة الزوجيه شهرين
اخوك يبي وحده تهلى وترحب واجتماعيه وفري متناسي انه بعدها الى الان عروس
الحياة جديده عليها قبل مايمر سنه على الزواج صدقيني ماعند الطرفين خبرها فى الحياة الزوجيه
اخوك راسم فى راسه صورة امه وخواته وخالاته الى يضحكون ويهلون ويرحبون فيه
ومتناسي ان الى متزوجه ماله شهرين معه وهي تراء كذلك على باله ان الزواج شهر عسل
ومطاعم وسفريات واسواق من رايي لا يستعجل ويجيبه من بيت ابوها ويدحر بليس
الموضوع تجاوزهم الحين بينهم طفل مع العشره راح يتعرفون على بعض ويتعودون على بعض
يوم ورى يوم راح يكون بينه موده ورحمه فهمي اخوك ترى الزواج مو ياهلا ومرحب ومجاملات اجتماعيه
اذا تبي تذوق منه شهد الكلام لازم تتحمل قرص النحل يابابا وبعدين على باله ان المطلق بيحصل بنت تقبل
فيه لا والله اغلب المطلقين الى يخطبون بنات ينردون تدرين ليه لانه موثقه الى طلق بنت الناس ممكن يطلق بنتهم
حتى لو كان عريس لقطه فلوس وصحه ومركز ترى المطلق يطيح سوقه

الله يعينه هالاشكال يبي لها تاديب ولازم يتدخل احد من اهلك واهلها

يمقن تتوحم

الله يوفق الجمييييييع