قولولى شالحـــــــــــــــل ؟؟؟؟ابى اســـــــاعد زوجـــى في قراره
مرحبا حبيباتى
الله العالم بمشكلتى بس اتمنى انكم تشاركونى في الحلوووول لانى فى حالة نفسية سيئة جدا والله يعين مشكلتى في اهل زوجى الكل يعرف ان اي وحدة لاااازم تمر بمشاكل مع الزوج واهل الزوج بس انه المشاكل تزيد عن حدها شي صعب
المهم ياطويلات العمر انا متزوجة من 9 سنين وساكنة مع اهله طبعا احاول كثر ما اقدر انى ما اجرحهم بأى كلمة واذا غلطو على كنت احاول انه زوجى ما يعرف،بعدين صرت اعلمه لانى اشوف السالفة انقلبت على وانا ساكته عن حقى
في الفترة الاخيرة صارت مشكلة بينه وبين اهله وكنت انزل عند والدته واقعد معاها واسولف وهى اتصدد ،والله انى اجى على نفسي واقول علشان زوجى وباعتبار انها مثل امى..وحتى الهدايا ما اقصر معاها لا زعلت منى او من زوجى
لين جاها يوم ما قدرت اتحمل واختلقت مشكلة وما خلت اولي ولا تالي الا وطلع من قلبها انا انصدمت لانى ما بينى وبينهم شي وقالت انى انا اللى اخلى زوجى ما يكلمهم وانا اللى محرشته وانه يسمع كلامى مع انى والـــــلـــــــــــه انى انا اللى ما امشي خطوة الا برأيه وهو اللي يقول ايه ولا لأ:(
والحمدلله ماشيه امورى مع زوجى
ثانى يوم ما دريت الا ابوه يقولى خلى زوجك يطلعكم في بيت،؟؟؟؟؟مع انه كل مرة تصير مشاكل وامه تقولى قوليله اطلعوا ولما اقول ويواجههم ولا يتراضون تقول كذب ما صار واذا قلت تركضين تعلمين زوجك ولدى مهو طالع:angry2:
الحين زوجى بعد ماتمادوا فكر انه نستقل في بيت بروحنا بس والله قلبى معورنى على امه لانها بتنصدم بقراره هالمرة مع انها هى تسويلي مشاكل لهل اول مالها تالى :44:ومن ينزلون عيالى تهاوشهم
حتى الجاهل الصغير ما تخلي حقه..وانا لو غلطو على يضيع حقى لانى اقول مابييييي مشاكل
الحين تكفون ردوا علي اوافق زوجى بقراره ولا شسوي؟؟؟محتااااارة
لان زوجى اكبر عيالهم ويحب اهله طبعا محد بيكره اهله لو شنويسوون