شاركي في النقاش

سجلي الدخول لإضافة تعليق.

التعليقات

192

  1. @ahn_lthkrak_1

    مشكوره موضوع رائع
    موضوعك رجعني لزمان
    بس زمان احلامنا بسيطه اني اتزوج ويكون عندي بيت واولاد الحمدلله انا متزوجه لي اربعه وعشرين سنه انجبت اولاد وبنات وحلمي اللي ماحققته اكمال دراستي لكن لما اشوف اولادي في الجامعه كاني حققت حلمي والهم والملل علاجه شي واحد التقرب الى الله ( الابذكر الله تطمئن القلوب ) ...


    ع العمــوم اللـه يسسسعدك ويوفقـك بحياتك وتحققين كل اللي تحلمين فيه ,,,

    تقبلــي مروري ,,,

  2. @brorh2

    انا يوم كبرت بنتي وصارت عشر سنين وصارت مو محتاجتني حسيت بنفس احاسيسك

    وخطرت ببالي فكره بمليار ريال


    توجهت لخدمة مجتمعي
    رحت سجلت في برنامج اسره صديقه ليتيم
    وصرت اروح كل ويكند اجيب هالايتام وافرحهم
    وكل اسبوع ينتظروني
    وحسيت بطعم العطاء اللى هو طعم الحياه


    وبعدين شفت وقتي الباقي في وسط الاسبوع فاضي ولاعندي شي يفرحني واحس بالانجاز لدنياي او اخرتي


    رحت واحتضنت يتيم بيبي وجبته البيت


    هذا من ثلاث سنين

    ولله الفضل والمنه ليومك هذا ولا عاد جاني هذا الشعور ابدا


    اذا طالعت فيه او قمت معه اقول يارب تقبل مني هالمشروع اللى قاعده اشتغل عليه


    واللحين يوم صار شاب عمره ثلاث سنين افضى شوي احيانا

    اجمع ايتام فقراء (ايتام الاب) اجمعلي 20 -25 طفل مع امهاتهم واسوى لهم مسابقات وهدايا وعشاء . انا والاهل او وحدي

    وبعدين نجلس نحنا والامهات سواليف وشاهي وفصفص ونتعرف على احوالهم
    والعيال مع العيال يلعبون
    ومن جد بعدها احس بالنجاز

    انتي قلتي المايك لكم اسمع تجاربكم

    وانا قلت لك تجربتي ام شاء الله تستفيدي منها
    في البدايه قلت يمكن مايصير اقول ويخرب عملي

    بس الحمد لله النت يخفي الشخصيه ولا احد يدري من انا ولامن وين طلعت (حشى جني مو عضوه )

    والفلوس ترى احيانا عندي واحيانا شحته من افراد العائله الكريمه . وترى الكل ينبسط

  3. @am_rama_orfyf

    حالتي نفس حالتك ياصاحبة الموضوع

    الله يفرجها علينا بفرج قريب ونحقق احلامنا ونشتغل لان الاحساس انك تقدري تكوني شي في المجتمع
    وماتقدري توصيليلوه صعب

    الفرج من الله سبحانه وتعالى

  4. @zngbyl_2

    جيتي عالجرح
    بس انا كان عندي احلام حتى رغم اني متزوجه بس ماصارلي اربع سنين
    بس ماتت احلامي ومات طموحي وماتت ضحكتي ومات كل شي جميل بحياتي بعد وفاة اخوي
    حسيت ان الحياه مالها طعم ابد
    امس زي اليوم واليوم زي بكره
    احس اني مدري وش ابي مالي هدف رغم ان عيالي صغار المفروض منشغله فيهم بس من جد اكتأب ويارب اعدي المرحله هذي بسرعه
    لاني قربت انجن واوسوس
    ياربي ارزقنا بركة الوقت واشرح صدورنا واحسن خواتمنا

تابعي تجارب أخرى من هذا القسم.