المعركه بين زوجي وبنتي

السلام عليكم

كيفكم يابنات

اول مره انزل موضوع بهالخصوص لكني من جد طفشت ولا لقيت حل مناسب واتمنى تساعدوني بنصيحه حلوه

انا عندي بنتين الكبيره 5 سنوات والصغيره 5 شهور ومشكلتي مع زوجي وبنتي الكبيره

بنتي الكبيره دلوعه وطلباتها تقريبا مجابه ماعندنا غيرها توني الحين من فتره جبت عليها تغيرت صارت عصبيه وزعوله وكل تقول احنا مانحبها عنييييييييييييده الى اقصى درجه هي فيها هالصفات قبل لكن الحين زاااادت انا متفهمه الوضع واحاول احسسها اني احبها اكثر من اختها بعد واقول لها انتي كل شي بنتي واختي وصديقتي ووتتفهمني والله
بنتي ماشاء الله ذكيه وخدومه وتسولف وتحفظ كثير وتنشد وعلى طول تكتب من جبت اختها ماتلمس لا كتاب ولا دفتر ولا حتى تلوين
ابوها وداها دكتوره نفسيه خاصه بالاطفال لانه يشتغل هناك وقالت له واضح انها ذكيه بس اهتموا فيها اكثر من اختها

انا فاهمه كل هذا بس هو اللي مو فاهم
المشكله مو بينها وبين اختها كان هانت اقول صغار وبكره تتعود
المشكله بينها وبين ابوها
مو عارفه شسوي معه
على طول يخانقهاااااااااا على الصغيره والكبيره على طول يهددها يصرخ عليها يروح ويجي والله بضربك لو ماسويتي وبضربك وبضربك على اشيااااااااااء تافهه جدا في الدقيقه الوحده يمكن اربع مرات يصرخ عليها وهي تزييييييييييييد احاول افهمه اقوله شوي شوي اذا مو عاجبتك تصرفاتها كلمها بهدوء هي تتقبل انا اقولها بشوي شوي وعادي والله تسمع كلامي عكسه اقوله شفت الفرق بس لاحياة لمن تنادي

ضاغط عليها حيل مو مخليها تتحرك كل مماسوت شي صرخ عليها تمشي عالارض يصرخ يقول لها لاتدقي عالجيران تحت تاكل جبن يصرخ يقولها انتي غبيه تاكلي جبن وياليت باسلوب بنبره عاليه واسلوب يحرج قبل شوي تركض حط رجله متعمد وطيحها وقال لها تستاهلي لاتدقي عالجيران برجولك قامت تصيح وانقهرت وقلت له يعني الجيران اهم منها تقدر تقول لها جلسي باسلوب وبتجلس تصرخ عليها اكيد بتعاند وبس تطلع بخليها تدق برجولها اكثر عناد لك وقمت رحت المطبخ وهو لبس وطلع زعلان اول مره اقول كذا بس شسوي قهرني
لا الكلام وياه يفيد ولا اذا سكت يفيد شسوي ما اقدر اشوف يسوي فيها كذا واسكت حطم شخصيتها صارت ماتعرف تتكلم وتنحرج لما نسالها وين قبل اللي بلبل في الكلام والكل يشهد لها طول عمره يتمنى اطفال اذكياء والحمدلله الله عطانا يقوم يحطمهم كذا
دايما اقوله هالكلام
مدري شقول والله ياكثر المواقف يتخانق معها عالتلفزيون على الكمبيوتر اذا طولت على الصوت يصرخ ويفزع قصري والا بطفيه ويطفيه ويشيل الوايرات يالله والله تعبت وانا اهدي الوضع اقوله مستغربه انك حاط عقلك وعقلها ماتقدر تسايرها ليش كذا يجلس من النوم على طول ياخذ الايبود منها ومعصب يبي يكسره لانها مو مقصره عليه مع انه الصوت مو عالي
يحرجها حتى قدام الناس انا من منطقه تختلف عن منطقته وكلامنا في فرق شوي وهي صارت نفس كلامي تقريبا هو يصرخ عليها اذا تكلمت نفسي مع انه مو من زين كلامهم كلامي عادي ومافيه شي وانا مثقفه ودارسه بس عقول الحمدلله والشكر
مره سواها له قدام اهله هي انحرجت ووجها تغيرررر ماعرفت شتسوي تصيح والا تضحك الوانها تغيرت كسرت خاطري اخذتها ضميتها وانا كان ودي اصيح معها وهو اثر فيه الموقف حيل وقالها قومي اوديك البقاله
كل مره يعتذر ويقول انا اسف بابا ويرجع على طول
لاتقولوا قاسي هو حنون وطيب وما كان كذا قبل بس الحين مدري شغيره

هي احيانا تصرفاتها تنرفز بس مو الصراخ الحل

تعبت تعبت

مدري شقول ساعدوني انا غلطانه او هو

محتاره

:44:

31 تعليق 7,077 مشاهدة

شاركي في النقاش

سجلي الدخول لإضافة تعليق.

التعليقات

30
  1. @hope_5

    الله يكون بعونك ويصلح اموركم يااارب
    مافيه حل الا انك تكلمين زوجك وتقنعينه انه يعدل تعامله مع بنته وانها محتاجة حنان اكثر من اول
    قوليله بعدين تكبر البنت ويصير عندها مشاكل نفسية صعبة
    وحاولي يكون مكان لعب بنتك بعيد شوي عن زوجك بحيث تاخذ راحتها باللعب وماينزعج زوجك
    وحاولوا تسمعونها كلمات تشجيعية وترفع المعنويات << مرررره مهمممه
    الله يهديها ويصلحها ويسخرها لكم
  2. @am_fhd6_1

    الله يعينك

    المفروض زوجك يخف على البنت شوي

    يحن عليها ويشد عليها إذا غلطت
    لازم يكون له خط أحمر يعني لو تعدت حدود الأدب يخاصمها

    لكن ما يقعد على الطالعة والنازلة يخاصم فيها

    حاولي تهدين الوضع
    حاولي تبعدين البنت من أبوها قدام الناس عشان ما يحرجها كثير

    الله يعينك أنا كذا
    زوجي حاط نقره بنقر بنتي مع انها كبيرة ماشاء الله في الثانوي

    بس كل شوي يقول لها ما غسلت ما ساعدت امك ما سويت ما فعلت

    حتى النوم يوم يصحيها يصيح عليها

    الله يعينك
    حاولي تعوضين بنتك الحنان اللي فقدته
    وحاولي تحميلينها شوية من مسؤولية أختها الصغيرة يمكن تتحمل مسؤوليتها وتتغير وتصير أحسن
  3. @alshtaaa3

    الله يعينك أكيد اللي يسويه غلط يضعف شخصيتها وثقتها بنفسها
    المفروض يحتويها ويمدحها ويشجعها الله يهديه ويسخروا لكم




    لا إله إلا الله وحده لا شريك له له الملك وله الحمد وهو على كل شيء قدير

تابعي تجارب أخرى من هذا القسم.