بربل × بربل

انامن المعجبين بمكياجك ودوختج ماعليج امر ممكن تشرحين طريقة مكياجك من البداية ليما تخلصين خطوة بخطوة وتقولين شنو اللى تحطينه مع الماركه ورقمها مكياجك للسهرات وترى انا من الجهرا يعنى واسطه تعبتج معاى

الله يسلمك ياقلبي ودوختك راحه :22:
ومن عيوني اشرح لك وافصلها لك تفصيل

اول خطوه الوجه لازم يكون نظييييف وبعدين اجيب ثلجه وامررها على كامل وجهي علشان المسام والدهون لأن بشرتي دهنيه واجفف الوجه واحط كميه قليله من مرطب لانكوم اكوافيشن وانطر خمس دقايق على الاقل قبل ما احط الفاونديشن

بعدها اوزع الفاونديشن وللأمانه انا عندي خلطه خاصه من ضمن محتوياتها شارمل والديرماكول والباقي سر :22:

وتحت العين طبعا ما احط فاونديشن احط كونسيلر كفر مارك

واحط البودر من سمايلنق اذا ابي المكياج وردي
وغيرلان ديفينورا اذا ابيه طبيعي
وكريولاين اذا بحط برونز

وبعطين بالاسفنجه الكبيره اوزع اللوز بودر اللمعه على كامل الوجه بس العين ومحيطها لأ
اذا مكياجك برونز استخدمي اليزابيث هيلين ( تحصلينه في المنصور)
واذا وردي قولدن ليدي ( بعد في المنصور )

حطي تحت العين كميه من البودر الابيض وهذا عادي جيبيه من اي ماركه

ارسمي الحاجب بالشدو مو القلم واذا شفتي ان اللون املح امسحي الحاجب بقطنه فيها كريم وبعدها عيدي الرسم بالشدو ولاتكثرين اللون

الحين حطي البلاشر اللي يناسب لبسك وخليه لي نص الخط يطلع احلى.... يمكن تستغربين الخطوه هذي الحين بس انا عن تجربه اقولك ان هذي الطريقه هي الصح علشان تعرفين امتصاص بشرتك للون وماتخلصين رسمه العين الا اللون صاير طبيعي وتعرفين اذا كنتي محتاجه تحطين بعد بلاشر ولا لأ

الحين نجي لرسمه العين
اول شئ نوزع اللون الفاتح على كامل الجفن ( اذا الاكسسوار فضي نعتمد اللون الابيض او الفضي الفاتح واذا ذهبي نعتمد الذهبي الفاتح )

وبعدها اذا تحبين السموكي طبقي الشرح اللي مع الصوره واذا تحبين الناعم طبقي الشرح اللي في موضوعي الثاني وكل فتره بحط لكم صورة مع الشرح ان قدر الله

وبعدها حطي روج اللون اللي يناسب لبسك مع مراعاة التوازن يعني اذا مكياج العين ثقيل الروج يكون فاتح والعكس

وبجذي نكون خلصنا

نجي للشدو المستخدم:
المائي من كريولاين
اللحمي والبنفسجي الفاتح والغامق بس السموحه الارقام مو عندي لأنه باليت
والشدو العادي من شارمل الباليت الصغير من شارمل ( 12 لون ) المربع
الابيض اللؤلوي من كلاسيك المخملي
الاسود ماك كاربون
الايلاينر من ايف روشيه ماركه فرنسيه نفس طريقه لانكوم الاسفنجه
والماسكرا البيس من سيشيدو والماسكرا من هيلينا روبن شتاين
الكحل من سمايلنق

واي سؤال ثاني عيوني لك ياهبوب الغلا ( الجهرا :arb: )

تسلمين حبوبه..ميك آب ذووووق..

ممكن كم سؤال صغنون حياتي..

فين ألقى كريولان وسمايلنق و كلاسيك بالكويت..

وآنا محتاره أبي كريم أساس حلو وعلى وردي وطبعا ثابت مايقطع وبودره مناسبه

انا متعوده على غيرلان الطبيعي وش رايك فيه..وانا بشرتي حنطيه

والله يعطيك العافيه

سلام

واااااااااااو من جد رووووووووعه

العفو ياقلبي ربي يسلمك

حبيبتي كريولاين تحصلينه في محل بالجابريه هو كان صالون بس الحين هم موزعين كريولاين بالكويت بس والله ما اعرف وين بالضبط لأني اشتريه من البحرين
وتحصلين بعض منتجاتهم في سوق الامارات بالجهراء بالسرداب

وسمايلنق عندك محلات المنصور في الفروانيه والخيمه مول بالجهراء واكيد تحصلينه في محلات واجد

اما كلاسيك انا اخذته من محل في خيطان المجمع اللي فيه سوق ايام زمان عند الدبوس

وتلاقينه بعد في النقره الجنوبي بالسرداب

الكريم جربي الديرما كول مع شارمل اخلطيهم بالكميه اللي تعطيك اللون اللي يناسب بشرتك

والسوبرا كلور من كريولاين بعد حلو

وبالنسبه للبودر انا بصراحه احب غيرلان ومنظرها طبيعي حلو

بس للتغيير ساعات استخدم سمايلنق اذا ابي اللون وردي

وكريولاين اذا ابي اللون برونز

يارب افدتك وكوني بخير