تدخلوا ولو ماعليكم امر و(لتدلي كل حواء بدلوها)

اولا السلام عليكم ورحمةالله وبركاته ثانيا انا هنا عشان اعرض مشكلتي وابي منكم تفيدوني بآرائكم بليز انا بنت جامعيه واعشق تصميم الازياء وعندي الموهبه ولله الحمد بس نفسي ابدا المهنه الان لاني ابغى اتخذ هوايتي مهنه لاني حاسه راح انجح فيها فماني عارفه كيف ابدا وايش اسوي ولا اكذب انا اصمم لنفسي واخواتي وبعض قريباتي بس من باب اخوه فط لكن كيف ابدأها رسميا كمهنه لي في الحياه فبليز ساعدوني وعطوني بعض الافكار:09: :09: :09: (عارفه اتكلم كثير بس قرب فرجكم)وصدقوني حاولت اتجاوز الفكره واحط وظيفة الشهاده في راسي بس موقادره فكرة الملابس مسيطره علي من يوم كنت صغيره الى درجة كانت امي تشتري لي مع الدمى اقمشه عشان اخيطلهم ملابس فلي عندها فكره بليز تقولها لي واكون شاكره

5 تعليق 620 مشاهدة

شاركي في النقاش

سجلي الدخول لإضافة تعليق.

التعليقات

5
  1. @ghyod_9

    ممكن تعرضين مشكلتك في قسم سااااااااااااااااااااااااااعدوني وبإذن الله يوجهونك
  2. @maly_aayny

    انا من رايي انك تختارين لك صالون حلو ويكون كشخه وسمعته حلوه وتبدين معهم خطوه خطوه الى انت تتوصلين انك تسوين لك دار ازياء وربي يوفقك
  3. @shhalylsh

    شوفي يالغاااالية
    هناااك كذا فكره
    من بين هذه الأفكار..
    بأنك تتعاقدين مع وحده أنتي تصممين وتنتجين تصميماتك وهي تعرضهم لك(وتكون مو أي وحده يعني شاطره ولها القدره على البيع)
    الفكره الثانية...أنك تسوي أعلانات على تصاميمك عند عدد من المشاغل
    الفكره الثالثة أنك تجيبي فلبينيه شااااااطره وتسوي لك تصاميمك وتسوي اعلان على ازياء جدية وتصاميم آخر مديل
    وانا حاااضره لأي سؤال
    بس نبهيني ع الخااص اذا مادخلت موضووعك
  4. @ghythaaa

    اقترح عليك
    صممي حوالي 25:30تصميم منوع من
    فساتين سهرة \جلابيات \قمصان نوم \بناطيل
    بشرط يكون الرسم نظيف والتلوين بالألوان المائية
    وياحبذاتضعي عليها بعض من الاضافات من كرستالات وخرز وترتر اكليل
    وقدميها لأرقى المشاغل حتى يشوفو أفكارك
    وإن شاء الله يوظفوك عندهم
    موفقة
  5. السلام عليكم ياأخت....دلوعه هآيتك
    مدامك بنت جامعية استفيدي من شهادتك في نفس تخصصك....
    ريحي نفسك التصميم بياخذ طاقتك وراح يتعبك....عيشي حياتك...

تابعي تجارب أخرى من هذا القسم.