هذي المرة الثانيه حسبي الله ونعم الوكيل

وللمرة الثانيه اكتشفه
السلام عليكم ورحمة الله وبركاته
قبل يومين اتفقت مع زوجي نروح السوق والحمد الله رحنا عاد وحنا نشتري اغراضنا لاحظت ان زوجي مرررره مشغول ع الواتس اب ويتبسم ومره منسجم ولاهو يم التقضي مع ان الروحه هذي له كمان عشان يبي يشري عطور
المهم جيت عنده ورتبك وسكر جواله لقطت الاسم كان اسم خويه وحاط عند اسمه رقم 2 قلتله من قال خويي فيه سالفه صايرتله ويسولف قلت ضاقت بالسوق عاد ووش فيك تسولف مستحي قال انتي تخيلين طبعا أنا من لقطت الاسم وانا دايم أدور فرصه افتش جواله بس مقدرت جا اليوم اللي أخذت الجوال محادثاته بالوتس اب مع الشخص هذا كلها محذوفة رحت السجل المكالمات وكانت مليانه مكالامات من هاالرقم وحبكت عاد وقت اللي يطلع برى البيت يدق ع خويه ويدق بالليل الساعه1 بالليل من الاستراحة شفته بسجل المكالمات وأول مره يفرح أني بطلع من البيت ويوصلني الخويتي وهو مبسوط واناديه ويقول سمي  قلت السالفة فيها أنا والمفاجئه يا أخواتي خويه الروح بالروح ناسي يمسح محادثته مع خويه يقوله عن سالفة البنت اللي مكلمها وانه حاطه باسم فلان عشان يبعد الشبهات وانه يكملها بدوامه وكلام كثير وخويه طبعا ماأيده بالي يسويه كان ينصحه ويسب البنت ويقول لاتخرب بيتك بيدك الدنيا ماهي xxxx وبس الدنيا حب وموده وثقه واحترام مايصير اللي تسويه أنا ارتحت الكلام خويه بس زوجي ولا على باله جالس يضحك ع كلامه 
أنا أللي قاهرني هذي ثاني مره اكتشفه انه يكلم يااخوات
طبعا المره الاولى صارحته واعتذر ها المره لا تقولون طنشي واهتمي بزوجك وسوي نفسك ما تدرين صعبه علي مقهووووره احس نار تشعل بقلبي تعبت منه الحين ابي افهم وش الحل معه 
تكفووووون ابي حل وش اسوي معه رفع ضغطي استغفال واستغباء لي يكلمها معاي بالسوق اللي مايستحي
وش ناقصه  زوجه تدلع وتلبس ويسولف وتطلع وكل شي تسوي ليش يكلم ابي أقم ليش وش يبي بالضبط 

80 تعليق 13,005 مشاهدة

شاركي في النقاش

سجلي الدخول لإضافة تعليق.

التعليقات

79
  1. @alhlm_alabyd_1_1

    خذي رقمها وكلميها والعني خيرها ولين جاء اتصلي عليها وحطي المايك

    خليه ينخرش

    انقهر من خيانات الازواج !!!!

    اللي مهمله زوجها يموت فيها واللي تحبه وتدلعه يخونها عجبي !
  2. @blnsya

    صاحبة الموضوع
    طبعا أنا اللي مخليني مرررره مولعه نار هو موقف صارلي كنت رايحه المطعم مع خواتي وكان في الستارة اللي جنبنا وحده مع زوجها و بنت بعمر سنتين تقريبا 
    دخلنا المطعم سوا وكانت أشكالهم عاديه جداً زوج وزوجته وبنتهم بعد ما دخلنا جوا كانت طاولتهم جنبنا ما بيننا وبينهم غير ستاره عاد كانت ألحرمه تضحك بصوت عالي وتقول واااو أفيون ثانكيووووو حبيبي بدلع ثم تضحك ضحكة دلع وتقول لو تدري زوجتك عاد اسمعه هو يعلمها كيف تستخدم الجهاز وكان باين عليها من تصرفاتها ودلعها وطريقة كلامها انو ماله علاقة صله فيها كانو يسولفون ويتغزلون في بعض مره ضاق خلقي وكنت اتمنى لا شفت ولاسمعت اللي سمعته ومستحيل تكون زوجه ثانيه باين بااااااين انها خويته وكانت تدق علي سواق تقوله أنا نص ساعه خلاص انت انتظار عند بوابه 3 

تابعي تجارب أخرى من هذا القسم.