شاركي في النقاش

سجلي الدخول لإضافة تعليق.

التعليقات

1,998
  1. @rouna

    يعنى تفتكرى لون الخشب الارو مثلا او الخشب الفاتح يكون احلى؟؟؟؟؟؟؟
    وممكن اعمل الحيطة لبنى مزرق كده تلتين الحيطة لحد البوردر وبعدين من فوق بيج؟؟
    انا بجد محتارة اوى.. ولو عندكم صور تفيدنى وتقدروا تحطهولى يبقى كتر خيركم..
  2. صباح الخير عليكم جميعا
    رونا بصراحة مش قادرة افتكر اسم المحل خالص بس هو فى نفس الشارع بتاع كينى روجرز الدقى
    هو طبعا غالى بس هيديكى افكار حلوة جدا

    بالنسبة لاوضة البيبى بلاش الابيض بس ممكن الوان انا عاملة اصفر فى اخضر وكمان دهناه اللى بيتغسل يعنى لو جيتى تعملى الاوضة قوليله انا عايزة دهان بيتغسل ويفضل الحيطة كمان عشان تبقى فى الامان وبعدين حاولى تكون الاوضة مش اطفالى قوى عشان مش كل شوية تغيريها
    انا قصدى ممكن تلعبى فى الالوان وشويه صور ودباديب يدوكى نفس الايحاء بس تقدرى لما البيبى يكبر تبقى برضه الاودة تنفعة

    فطوم ازيك قريت ان انتى كمان الكيكة اتكتمت منك انتى ايه رايك
    مسلمة ازيك يا جميل اسمعى كلام الدكتور واوعى تتخنى عشان بعد الولادة تكونى متظبطة

    ام يوسف مصر هتنور بيكى انتى ويوس

    ام ديموس وكات صياح الفل
    كات انتى فى الحدائق ده اهل ماما كلهم فى الحدائق برضه

    صباح الخير على كل البنوتاتتتتتتتتتتتتتتتتتتتتتتتتتتتتتتتت
  3. السلام عليكم و رحمه الله و بركاته
    يا بناااات
    أنا عندى حاله إحباط
    إمبارح كنت عند الدكتور و لقيت وزنى زاد كيلو فى إسبوع
    مش عارفه اعمل ايه بقه؟
    أنا الإسبوع اللى فات تقريبا ماكلتش حاجه خالص
    و كل الاكل كمان من غير ملح علشان الضغط
    و قالى كلى خضار بس أنا مش بحب إلا البسله و الملوخيه و الفاصوليا شويه
    و المشكله إن ممنوع الارز ولازم الاكل من غير ملح
    و انا مش عارفه استطعم الأكل كدة خالص
    و حتى لو كلت فراخ او لحمه لازم تكون مسلوقه أو مشويه ولو مشويه تبقى من غير تتبيله
    حتى الفلفل الاسود كمان ممنوع
    مش عارفه اعمل ايه بقه؟
    ادعولى ربنا يعدى الفترة دى على خير
  4. @mro_3

    السلام عليكم

    وحشتونى والله جداااااااااااااااااااااا

    امل ودون وام ابيها وسمسة وسبانش وكل الجدد والقدام كلكوة كلكوة ازيكوة

    بقالى فترة مش بدخل وجيت لقيت الجزء التانى علطول مبروك ما شاء الله

    ان شاء اللة اكون معاكو تانى
    رونا
    الموضوع ال بتتكلموة فى دلوقتى محيرنى انا كمان غرف نوم الاطفال انا كمان محتارة عايزة اعمل غرفة لبنتى رودينا بس مش عارفة ابدا منين

    رحت اتفرجت على محل ف اركاديا مخصص لغرف الاطفال كانت عندة حاجات تحفة وعليها رسومات اطفال الوان راقية جداوشيك جدا
    وكان فى غرفة لونها فوشيا بناتى جدا وعليها رسوم لباربى عبارة عن سرير وكومود ودولاب وتسريحة ومكتب والسعر اعتقد انة مناسب

    بس المشكلة انها لحد سن معين للاطفال وانا بصراحة عملية عايزة غرفة متتغيرش لحد ما تكبر
    وزرت كمان ار المعارض المعرض الدائم بتاع دمياط دة مش عندة كتير بس كام حاجة عجبتنى وكلة عبارة عن سريرين ودولاب وكومود وتسريحة
    وكمان عايزة اغير لون الحيطة اعمل رسم عليها شفتى تمثلية سارة خدى بالك من الحيطة ال وراها ؟؟

    بس مين ال بيعمل كدة ممكن اجيبة ؟؟كمان مساحة الغرفة عندى مش كبيرة علشان تاخد كل دة

    محتارة والله
  5. @rouna

    semsem انا عارفة المحل الى بتقولى عليه واسمه بونبون وهو فعلا عنده حاجات تحفة بس غالى اوى.. وانا كمان عايزة اوضة مش بيبيهاتى اوى عشان تنفع لما يكبروا شوية..
    وكمان شفت الحاجات اللى فى اركيديا .. فعلا المحل جميل اوى واعتقد اسمه رياضكو لكن مش عملى برضه اوى.. وشفت اوضة باربى دى وطبعا بنتى اتهبلت عليها...
    بس لازم فعلا حاجة عمليه عشان كده فكرت فى مفكو... كنت جايبة منه مكتبة وحلوة ماشاء الله حاجته متينة اوى..

تابعي تجارب أخرى من هذا القسم.