شاركي في النقاش

سجلي الدخول لإضافة تعليق.

التعليقات

1,327
  1. @am_adm_1

    اختي شام جزاك الله كل خير
    طولكرم 68 شكرا كتير اختي
    انا كنت اروح على مطعم التلال في صدنايا
    وكنا كمان نروح على الارض السعيده على طريق المطار ونتسوق في الحميديه وباب توما والصالحيه
    وكان في مطعم في الحميديه اسمه ابو العز ولا اطيب وانظف من هيك
    بس هاي المره حابه اروح على نهر لانه زوجي معي واولادي صغار عمرهم سنه ونص وما بيعرفوا شو هي المي والسباحه وحابه يفرفشوا ويتسبحوا لانه بعلمكم الاردن ما فيها الا العقبه
    وانا ما بحبها شوب وما بحب اتقيد بالفنادق

    وان شاء الله المشوار الجاي بدي اخدهم على لبنان عشان زوجي يتعرف عليها
    وجعت راسكن سامحوني
  2. @mzon84

    كيفكون يابنات إنشالله تمام
    المطعم يلي عم تحكي عليه الأخت شام يمكن هو مطعم النزيه ببلودان وهو فعلا مطعم بيطل على كل السهل ومناظرو بتاخد العقل
    وظرافتو أنو هو المطعم الوحيد يلي مابيقدم مشروب ببلودان
    أأما بالنسبة للأخت أم آدم فبرأيي أنو المطاعم يلي على طريق المطار صارت قعداتها كتير حلوة وكلها فيها مي وخضار ومناظر
    وعندك مطعم البيت السويسري على طريق بلودان كمان كتير ظريف وقعدتو روعة
    إنشالله كون قدرت فيدك وإنشالله بتتهني بإجازتك
  3. @bth151

    مزون84
    كيفكون يابنات إنشالله تمام المطعم يلي عم تحكي عليه الأخت شام يمكن هو مطعم النزيه ببلودان وهو فعلا مطعم بيطل على كل السهل ومناظرو بتاخد العقل وظرافتو أنو هو المطعم الوحيد يلي مابيقدم مشروب ببلودان أأما بالنسبة للأخت أم آدم فبرأيي أنو المطاع…
    مرحبا اخواتي كيفكن وشو اخباركن:)
    بالنسبه لغيابي عنكم كنت انا و زوجي عازمنا رفيق زوجي ليومين بمنطقه اسمها كوك شيدره وصاحب زوجي متزوج وعنده بنتين 6 سنين و1,5 سنه :04: بسم الله ما شاء الله ما بيهدو وانا وزوجي راسنا صار هالقد:22:
    ومانا متعودين على الضجه لان لسه ما عندنا اولاد
    والمهم الجماعه ما قصرو معانا الله يعطيهم العافيه
    ماشاء الله يابنات على الطبيعه شي بياخد العقل:32: الله لا يحرمنا من الجنه ونعيمها يعني كيف ما تطلعتي بتقولي سبحان الله في مي كبريتيه والجو هنيك نار وشاعله ما توقعت ابدا يكون الجو هيك:eek: حس حالي كاني عم انشوى شوي شوي بتيابي الشتويه :06:
    وانا بصراحه اشتقتلكم كتير وصحيح هنن كانو يومين بس حسيتهم والله كانهم سنه
    وكانت رحله حلوه ومتعبه كتيييييييييييييييييير
    خصوصا ان الخانم اللي بتجي للبنات شرفت يوم بدنا نسافر الصبح واني بسط وانت بالدودو :hahaha:
    والحمدلله رجعنا بالسلامه

    والله يديم علينا هالجمعه الحلوه
    ودمتن برعاية الله وحفظه
  4. @shms_15

    وينكن يا بنات ؟؟؟؟؟؟؟؟؟؟
    ليش هيك صرلكن كم يوم كانين؟؟؟؟؟؟؟؟؟؟
    ويييييييييييييييييين غاطيـــــــــــن؟؟؟؟؟؟؟؟؟؟؟؟؟

تابعي تجارب أخرى من هذا القسم.