السلام عليكم
انا ياطويلات العمر ادرس انتساب وقربت اختباراتي وعندي عيال وموقادره الحق عليهم ومشكلتي هي ان النظام عندي متلخبط ومافي وقت للمذاكره وقومت الصبح مااحبها ولو قمت مااعرف اذاكر..
الزبدة من وضعها مثل وضعي كيف تنظم وقتها؟وايش برنامجها اذا قرب موعد الاختبارات؟
شاركي في النقاش
سجلي الدخول لإضافة تعليق.
التعليقات
13- نفس حالتك باقي شهر على اختباراتي ولسى ماذاكرت مو ملحقه من شغل البيت اللي مايخلص وولدي الله يحفظه حتى افكر اني انسحب مع اني خلصت ترم ونجحت بس الحين مو قادره اوفق بين المذاكره والبيت الله يكون في العون ان شاء الله
- الله يعين
- استغفر الله واتوب اليه
- اول شيء الله يوفقكم وينجحكم ويسهل عليكم ...
ثآني شيء ...
خليني اعطيك جدول حلو من وجهه نظري
بالنسبه انك ما تحبين تذاكرين الصبح ...
ممم ششوفي المواعين تخلصينها اول بأول
يعني الفطور تغسلينها قبل ما ترجعين تنامين
ونامي لك شوي بعدها بتقومين تسوين الغداء
اول ما تحطين رجلك بالمطبخ حطي الصابون والاسفنجه خليهم جاهزين
واي ماعون تخلصين منه اغسليه مثلا حطيتي شيء ينسلق او البصل تنتظرينه يتشقر غسلي اي شيء في المجلى
بعدين سلمك ربي استغفري وانتي تشتغلين
اي نكمل هنا صارت مواعينك مغسوله اول بأول
واذا خلصتي الغداء ع طوول غسلي المواعين وشطبي المطبخ
هنا عندك كم ساعه قبل العصر تسوين اي شيء
مثلا حلى تتونسين فيه
او اي شيء
عيالك طال عمرك >>انا مدري كم عمرهم عشان اعطيك الحل اللي يناسبهم
ويناسبك ..
يلا ع العموم اذا يدرسون حطيهم في غرفتهم واعطيهم شيء يشتغلون فيه
مثلا تركيبات اووو صلصال او كراسه ويرسمون فيها
يعني اشغليهم بشيء كويس
استغلي انشغالهم وذكري لك شيء
اذا اذان العصر ارمي كل شيء قدامك وقومي توضي وصلي
واستغفري وانتي بسجادتك اقل شيء 200 مره
وبعدين شوفي المحرووس اذا يبي شيء
او العيال يبون شيء
وبعدين ارجعي كملي مذاكره
ونفس الحكايه اذا اذن المغرب ارمي كل شيء وقومي صلي
وركبي قهوتك وطلعي الحلى وانبسطي
ووسعي صدرك
واذا لك خلق كملي مذاكره >>اسئل ربي ييسر لك كل عسير
وبعدها طال عمرك سوي العشاء
ونفس الحكايه المطبخ
والبيت شطبي عليه واذا خلصتي كملي مذاكره
يعني خلينا نقول خلاصه المذاكره اقل شيء 5 ساعات باليوم
مع انو عندك عيال وزوج وطبخ ونفخ ...
واذا حصل تحطين عيالك عند اهلك وتركزين اكثر يكون احسسن
الله يوفقك ويوفق كل شخص عنده اختبار ..
اتمنى افدتك
اعذريني ع قصوور تراني ممم اختك الصغيره ... - ماقصرت قصة صبر
انتى بس حاول تخلاصى شغلك اول باول واهم شي تخذى كفياتك من انوم والله يوفقك
مواضيع مشابهة
تابعي تجارب أخرى من هذا القسم.