ياريت تشوروا علي رجاء محتاجة لارائكم

بسم الله الرحمن الرحيم

اخواتي عضوات المنتدى طبعا انا جديدة وهذا اول موضوع ليا بس بجد متاكدة انكم ماراح تخذلوني

وماشاء الله صاحبات الذوق الرفيع كثيرات في المنتدى ...

المهم انا عندي بقسم الحريم من عند باب الشارع مدخل صغير جدا وعلى يمين الداخل الى البيت صاله كبيرة

وفي احد جدران الصاله فتحة لصاله جوانيه على جوانبها غرفه نومي ومجلس الحريم وفي وجه الصاله الصغيرة

حمام الضيوف والمغسله برة بجوار الحمام يعني في الصاله

طيب حبيباتي انا بغير جلسة الصاله وبخليها انتريه مودرن وابغى انسق بين الوانه وبين الوان الصاله الجوانيه

والحمام لانها كلها متصله ببعض وانا الحين فارشه الصاله الكبيرة عودي والصاله الجوانيه كذلك فارشتها زوليه

عودي وموحدة شكل النجف في الثلاث صالات باختلاف الحجام..والحمام طقمه ازرق وتفاحي وحاسته نشاز مع الصاله

لاني اضطر احط دعاسة الطقم برة عند المغسله

انا الحين ابغى اخلى لون الكنب الاساسي يعني من تحت احمر ومن فوق الجلسه والظهر جملي وافصل خديدات

صغيرة على طول الكنب احمر وبني غامق واللون الي يجي بين الخربزي والاورنجي

واجيب زوليه مموجه بالوان الخديدات ويكون الاحمر غالب فيها وافصل الستارة لون جملي والدناديش حقت الستارة

لون احمر طبعا واحط طاوله بنيه بالنص ونجفة كرستال كبيرة لان الصاله كبيرة

وطبعا الاكسسوارات المتبقيه مامنها خوف..

الصاله الجوانيه ابغى احط فيها زولية جامعه اللون البني والاحمر والاورنجي والحمام اجيبله طقم بني واورنجي

لان الدعاسه حقت الطقم اضطر اني احطها برة عند المغسله ولازم يكون فيه تناسق بالالوان..

واجيب نجفة للصاله الجوانيه هذي والصاله الي عند باب الشارع نفس بعض بما يناسب الفرش زي الي عند ايكيا

بالله عليكم شوروا عليا كذا اختياري للالوان حلو وراح يطلع بشي يبيض وجهي ولا اسمع تعليقات وتحطيم خصوصا

من زوجي..

بانتظار ردودكم وارائكم الطيبه جزاكم ربي الجنان..












7 تعليق 917 مشاهدة

شاركي في النقاش

سجلي الدخول لإضافة تعليق.

التعليقات

7
  1. @khmyl_ord

    دنيتي هي بناتي
    رفع لعيونك
    اهم شي شوفي صور بلالوان هذي الي بتدمجيها مع بعض هل هي تتناسق ومادري احمر وبني غامق كيف بتجي مع بعض اتمنى ني اعرف انزل صور افيدك بس لتستعجلين شوفي المنتديات فيها صور حاولي تنسقين مزبوط
  2. صاحبة الموضوع
    دنيتي هي بناتي ربي يرفع قدرك مشكورة

    خميلة ورد .. انا اقصد الكنب من تحت يعني الاساس فيه يكون احمر من فوقه الجلسه الي نقعد فوقها

    وتكون بالاسفنج لونها جملي..

    اما البني الغامق يجي بس في الخديدات الي فوق الجلسه الجملي ...

    وعادي اذا عندكم اقتراحات بالالوان شوروا عليا راح اكون شاكرة لكم بس انا ودي بالاحمر...

    ياريت الاقتراحات يكون فيها الاحمر..

تابعي تجارب أخرى من هذا القسم.