اعراض الولاده المبكره؟؟

قلبي مسافر الله يعوض عليك يارب ويكتب لك به الاجر آآآآآآمين يارب
ويثبت حملك الحين وتقومين لنا بالسلامه بس واصلينا باخبارك ان شاء الله نسمع خبر حلو قريب الله معك حبيبتي

غــلا الدنيــا

** ANGEL **

دمـــ الم ـــــعه

يابعد عمري انتم الله يقبل مادعيتو لي ولايوريكم مكروووووووووه ولاتجربون اللي جربته ويسهل على كل حامل

ويرزق كل محرومه

حبيبتي ** ANGEL **

قوليلي ياقلبي لما سويتي الربط انشاء الله فاد معك ؟؟ وكل حمل لازم تسوين ربط؟؟

لان يدي على قلبي مررررره خايفه الوقت هذا نفس الموعد اللي صارت لي الولاده المبكره

ياااااااارب لاتخيب رجاي ولاتضيع تعبي :(

واسفه لصاحبه الموضوع كان طلعت عن الموضوع :26:

قلبي مسافر
تطمني
انه حصلت لي ولادة مبكرة في السادس 23 اسبوع
واللحين انه عامله ربط
والحمل لله بعد اسبوع راح ادخل السابع
دعواتج لي ولج

حبيبتي الله يثبت حملج انشالله اما عن اعراض الولادة المبكرة اقدر اقولج تجربتي بالحمل الاول لي بعد ماخلصت 26 اسبوع كنت احس بالم مثل الم الدورة ولما سألت دكتورتي الله يسامحها قالت لي عادي هذا الحوض يتوسع وسكت وتحملت الام لما تكرمين نزل علي مخاط وردي بعدها رحت المستشفى وقالو لي الرحم مفتوح واللي كنت احس فيه كان طلق ولازم ادخل المستشفى حالا ودخلت حطوني تحت الملاحظة وعطوني تحاميل توقف الطلق وعطوني ابر لرئة الجنين لان رئته ماكانت كاملة وكانو يعطوني هالتحاميل لمدة خمس ايام وبعدين فجأة وبكل ثقة تقولي الدكتورة التحاميل اللي تاخذينها خلصت وماعندنا منها والله معاج انا انصدمت وفكرت شنو بيصير فيني وبنفس الليلة اللي ماخذيت فيها التحاميل جاني الم فظيع واتصلت دكتورتي قالت لي اتحملي الالم ولا تقولين لهم علشان لا يولدونج وانا بعد غشيمة وصدقت وتحملت لما الصبح لا كمام ولا مسكن ولا شي والصبح لما دخلت علي الممرضة قالت لي روحي الحمام عشان الدكاترة بيدشون عليج الحين ولما رحت كانت الصدمة نزييييييف صج موغشمرة دم احححمررر دقيت الجرس وناديت لما يت الممرضة ساعدتني ارجع السرير ودخلت علي الدكتورة بسرعة وفحصتني وقالت لي انتي شلون تحملتي الالم انتي مفتوحة8سم ودخلوني العمليات على طول و ولدت قيصري لان البيبي كان نازل من المقعد وكان وزنها كيلو واحد وحطوها بالعناية بالشيشة لمدة شهرين وعطوني اياها عقب ماصار وزنها 2,5 كيلو والحمدلله على كل حال كاهي عندي بصحة بفضل الله سبحانه وتعالى واليوم بعد اربع سنين يصارحوني الناس انه محد كان يتوقع انها تعيش بس ما قالو لي وقتها والحمدلله انا طولت وقلت اللي اكو واللي ماكو بس والله الذكريات كلها رجعت لما قريت سؤالج سامحيني والله يثبت حملج وديري بالج على روحج