استفسارات حول أطفال الأنابيب والحقن المجهري >> تم دمج المواضيع

حبيبتي الخنساء انا جربت بدايتها بس اكيد تسألوني شلون وانا بجاوكم علشان اعطيكم الامل الكبير بالله انشالله انا بديت فيها فعلا عند الدكتورة فوزية القطان هني بالكويت لان يمدحونها وعطتني ابر اخذهم لما تييني الدورة عشان تعطيني ابر التبويض وفعلا خذيت هالابر اللي كانت مهمتهم ان المبيض ما يطلع بويضات بهالفترة وبعدين خلصو الاسبوعين ومايت الدورة وانحبطت لان العملية راح تتأخر وانا على الله ثم على هالدورة ورحت العيادة قالو عادي مولازم تيي الدورة نقدر نسويلج اطفال الانايب بدون الدورة بس خل نسوي لج تحاليل علشان نكمل المشوار والله خذو مني الدم ونطرت نتيجة التحليل وانا افكر ان بعد اسبوع بيسحبون البويضات لما نادتني السكرتيرة وقالت لي مبروك انتي حامل!!!!!!!! طبعا انصدمت شلووووووون احمل بعد 4سنين قضيتهم مع اصدقائي الكلوميد والتلقيح الصناعي وابر التفجير وغيرهم من غير ما احمل ولما صار ماكو حل الا اطفال الانابيب وابتدي العلاج فيه احمل قبل لا اسويه طبيعي ومن رب العالمين والحمدلله على كل حال انا الحين باشهر التاسع وانطر الولادة بس ابي اشوف عيون هالولد اللي بالنسبه لي معجزة والله يرزقج انشالله قولي آآآآآآآآمين

الدكتورة فوزية القطان ماشاء الله عليها

أقاربي سووا عندها ..ووحدة نجحت ووحدة لا

بس مو شرط أول مرة تنجح العملية

********
والله يسهل ولادتج أختي تفاحة ..سبحان الله ربي لايعجزه شيء ..أمره بين الكاف والنون

ما تقصرين اختي ام زياد وعبدالعزيز والدكتورة فوزية ممتازة مشالله عليها ومريحة بالتعامل ونجاح العملية بيد الله سبحانه وتعالى

انا سلفتي عملتها بعد 13 سنه زواج و الحمد لله نجحت من اول مرة و هي ولدت من اسبوع و جابت عبد الله ما شاء الله لا قوة الا بالله ربنا يحفظه لها و يرزقنا جميعا من فضله

اختى انا سويتها مره وحده بالسعوديه بالتخصصى ومانجحت والحمد لله على كل حال بس ما افكر اسويها ثانى مره وتاركه الامر بيد رب العالمين ................لانى مثلك ما حصلت نسب كثيره من الى يسووون هالعمليه نجحت معاهم واذا نجحت يسقط .......... وكل شى بيد الله سبحانه الله يزقنا وياك الذريه الصالحه ........