ممكن تقيفو معي يا اخواتي ..زوجي ..

السلام عليكم اخواتي..والله الحين محتاااجه لاي كلمه منكم تصبرني وتصبر زوجي..انا الحمدلله متزوجه لي 4 سنوات وماصار حمل..نسبه لوجود موانع عند زوجي..عدد قليل وتشويه في الحيوانات المنويه ودوالي..يتابع مع مستشفي حمد..السنتيين الماضيتين ظهر عنده سكري..عندهم اصلا وراثه فيه.بالاول كان رافض العلاج ومستنكر المرض ويحاول يقول لنفسه انه ماعنده شئ والله تعبني تعبني ..الحمدلله ربي وفقني وقدرت اقنعه بالعلاج وصار يواظب فيه بعد ماجلسنا واتكلمنا بانه اذا ما واظب علي علاجه راح تتاثر صحته وكذا..احمدالله بانه اقتنع وبقي ماشاءالله تبارك الله ..المهم يا اخواتي انتو تدروووون كيف هو شعورنا احنا النسوان ويا سالفه الضنا :06: اااااااااه يارب..والله كل ما اشوف طفل يوقف قلبي..الحمدلله لا اعتراض في حكمك ياالله..نسيت اقولكم انا عمري 25 وزوجي عمره 36.. المهم يا اخواتي الحصل انو زوجي قرروا ليه عمليه دوالي:06::06::06:..والله نفسيته بقت اسوا من ايام السكري الاولي وبقي يرفض لي كل شئ ويتوتر من ابسط الاشياء وانا بس صرت ابكي ليل نهااار وتعبت معاه والله ..:06:. انا ما ادري هو ليش يسوي كدا..واللي زاد الطين بله هو الطبيب اللي قال له في مقابله رحنا مع بعض فيا: ترا سبب التاخير منك انت ياابو الشباب وزوجتك ماشاءالله ماعندها شئ..من هذي اللحظه حسييت ملامح وجهه تغيرت..بس اتماسك قدام الدكتور ورحنا وطوول الطريق هو صااامت ولا يتكلم معي..وانا احاول اتكلم معاه واقول له انه شئ عادي وان الله ما انزل من داء الا معاه الدواء وكده..بس لا حياه لمن تنادي..والله تعبت يااخواتي..صار لنا من قرر الطبيب العمليه اسبوعيين والحين زوجي لسه متوتر وما قالي اي رد بخصوص العمليه يعني حيعملها ولا لا؟ والطبييب يقول استعجلووووووووووو..هو مايدري كيف حالتنا النفسيه..طيب علي الاقل يصبر شوي علينا او اي شئ..والله انا ساكته بس وقلت اشوف ايش رح يصير وياه بس تاني ارجع افكر واقول ليش كده ؟ نحنا من حقنا يكون عندما طفل في حياتنا ليش هو يتصرف بانانيه؟ والله تعببببببت اخواتي وحابه افتح اليوم الموضوع معاه واقول له لاززم يتحرك..انا مشكلتي بكون هادئه بالاول بس بختمها بعصبيييه وصوت عالي ما اقدر اتحكم بروحي لاني وصلت مررررحله صعبه من الصبر..انا ادري انه طيب وابن حلال ويحبني بس ما ادري ايش صار له؟هو بيحاول يكون هادي معاي كل الوقت بس انا عايزاه ينجز علشان هو نفسه يرتاح من العذاااااااب ذا..ارجوكم ساعدوووني وقولو لي كيف ابدا معاه الكلام واقنعه ومرات بحس بان الرجال يتعقدوون من هالاشياء وان المراه تتكلم معاه وكانها بتهين رجولته..هاي صديقتي قالت لي كده...اتمني اني ما اكون طوولت عليكم بس والله من قهررري وضيقي..يارب ارحمنا..
لا اله الا انت سبحانك اني كنت من الظالمين

15 تعليق 1,707 مشاهدة

شاركي في النقاش

سجلي الدخول لإضافة تعليق.

التعليقات

14
  1. أسأل الله إن يحقق لك جميع أمنياتك
    قد أعجز عن حل مشكلتك
    لكني لآأعجز عن الدعاء لك بظهر الغيب بإذن الله
  2. @a7la_mal3k

    صاحبة الموضوع
    مدوووح اختي الله يجزاكي كل الخير ..وربي يجعاها في ميزان حسناتك..اشكرك لدخولك ومشاركتي ولو بالدعاء في محنتي..الحمدلله
  3. @am_ashoak12

    الله يرزقكم اختي الذريه الصاالحه ياارب
    وان شاء الله تبشرينا بحملك عن قريب ياارب
    اختي العمليه ان شاء الله بسيطه بس اهم شئ التوكل بالله ولازم زوجك يعرف انه ماافي شئ يجي بالسسااهل ولافي شئ يجيكم لحد عندكم وانتم مكاانكم سررر
    لازم تتحركو وتسعووو والله معااكم
    اهدئي اختي وحااولي بهدؤؤؤؤ مع زوجك والله يسهر اموركم ياارب
    لاتنسين الاستغفااار والصلاه علي النبي والتصدق
    ياارب يفرجها لكم دنيا وااخره ويسعدكم في الداارين
  4. @shokolath_18

    ياحبيبتي لاتحسسينه ابدا ان المشكله عنده قولي يالله نروح نتعالج ونسوي لاتقولين رح عالج اوشي

    احس الرجال كذا ودايم خصوص اذا صار عنده هالمشكله توتر حياته وعند الرجال يهزهم هالشي فانت ابتعدي عنه وخليك بشوشه ومتفائله خليه يرتاح لاتتوترين وتوترينه معك خليه اهو من نفسه يتقو اذا يحبك ويضحي

    يعني ابتسمي وخليك هاديه جدا ولاتذكرينه ابد الحين هو قاعد يفكر خليه اهو من نفسه يقرر

    اسال الله العلي العظيم ان يرزقني واياك وكل مسلمه بالذرية الصالحه

تابعي تجارب أخرى من هذا القسم.