ملف المقبلات على اطفال الانابيب والحوامل في دولة قطر (التجمع العاشر )

هلا ومرحبا

أنا اليوم صار لي 7 أيام. الحمدلله

المشكله أنا ماقدر أسكر الخدمه ،، أتملل

بس خلاص من اليوم ورايح بصير قوية بلبس واقي صدمات

أحس هاليومين صايرة أنسى نفسي و اتحرك واجد

الله يستر

روز احسن شي تابعي مسلسلات وأفلام ،،تدرين أنا قبل عمليتي جهزت لي غرفة تحت وشريت شرشف جديد وملابس جديدة وخذت جهاز دي في دي وشريت افلام ومسلسلات كوميدية لانه الفترة طويله وممله بالاضافة للقلق،،، ريحي بالك ونفسك وعليك بالدعاء
متى ناوية تحللين؟

أنا تقريبا قاعده أغلب الوقت مع خالتي أم زوجي
لأن أنا بس اللي عندها في البيت يا نسولف يا نطالع مسلسلات

أما بخصوص التحليل
مادري متى أحلل ،،

أنتوا من خبرتكم متى يبين الحمل في التحليل المنزلي
ومتى يبين في تحليل الدم ؟

بلللل مقلب سخييييفففف.. وايد .. افصلي نفسج شوي عن هالاشكال .



حلو و ترا عادي الحركة الطبيعية بدون اجهاد .. يعني الحركة اللي ما ترفع دقات قلبج او تسرعها عادية .
بالنسبة لوضعج الاجنة من عمر يومين ابدي حللي منزلي من اليوم العاشر تقريبا ممكن يظهر بس لو ما ظهر لا تيأسين حللي بعد بيوم و جذي لان مثلا لو توأم بيظهر بسرعة اسرع لو واحد الهرمون بيكون اقل ما يظهر بسرعة .
الله يثبتلج يارب و تحملين ..ان شاء الله

بنات.ان شاء الله يوم.الخميس بتيسر انا وزوجي للعمرة أحس براحة بتتجدد نفسيتي مع انها سفرة.قصيرة.ثلاثة.أيام لأن عليىدوام الاحد برجع الفجر وبسبح.وبطير عالدوام