@ انا ترشحت وطابقت بس مابي الوظيفه بدون مايدري أحد وش اسوي دلوني@@؟؟

اذا على الزميلات فانا ابشّرك بالعكس كسبت عداوات يمكن ماعندك فكرة عن اللي يصير بالكواليس بين المديره والمعلمات او بين المعلمات ....
اول اسبوع دوام لي كان توزيع الحصص صارت حرب بين المديره والمعلمات عن توزيع الحصص والنصاب لدرجة ان المديره ارتفع الضغط عندها واغمى عليها واضطرينا لاننا في قرية بعيده نصرف الطالبات ونطلب من السواق يودينا لبيوتنا
والله الاشياء اللي شفتها قدامي كرهتني بالتدريس وبالعمل بكل اشكاله ......ويمكن سبب لي الامراض النفسيه ....

ما علينا كل انسان حـــــــــــــــر ...

أسمحي لي أقول تفكيرك (صفـــــــر)
قلعة العالم كله إذآ بفرط برزقي عشآنهم
فكري بعقل هادي وبدون أي ضغط
وأستخيري والله يوفقك

أستخيري و الله يوفقك لما فيه الخير لك

يعني انتي ماتبين الوظيفه عشان محد يستغلك ترى انتي سمحتي لنفسك تكونين كذا منتي ملزومه بتزويج اخوك او تشتريله سياره قوي من شخصيتك وخليك هيبه ترى الوظيفه امان بهالزمن الا الوحده ماتضمن اهلها وهم اقرب الناس وشفيها لا رتبتي حياتك ووزعتي راتبك شي لأمك وشي لأبوك وشي تتهنين فيه والباقي تتدخرينه للزمن شوفي معانات الخريجات القدامي او حتى المرشحات المنسيات وتعرفين ان الله رزقك بنعمه لازم تفكرين فيها مليون مره عشان تستغلينها مو تتركينها والله حرام ان هالوظائف تروح لناس مثلك لما تفكرين كذا ماتتحسفين على شهادتك وسنين الدراسه الي قضيتيها مابين تعب وسهر ومذاكره هالشي مايحمسك انك تشوفين نتيجه هالتعب وتعوضين نفسك أذا انتي مايهمك هالشي روحي شققي شهادتك واوراقك ولا تقدمين وتزاحمين غيرك ترى الوظيفه عز عز عز وامان اتمنى تفكرين بكلامي وتغيرين من شخصبتك وترى مابيندم الا انتي ومحد بيفكر فيك لا اهلك ولا أهل زوجك ولا خواته شوفيهم متوظفات ولا طقو لك خبر الله المستعان

روحي للمقابله بس لا تقابلين احد انتظري ثم اطلعي
بيحسبونك غياب


لكن انصحك فكري مره واستخيري مره