ماخاب من استشار وخاصة تاجرات الطبخ

السلام عليكم
اول احب اشكر كل عضوه في هذا المنتدى لاني صراحه استفدت منكم ومن لايشكر الناس لايشكر الله
الاستشاره
انا اشتغل من البيت في الطبخ بس على الضيق يعني ابيع لااخواتي وبنت خالتي وزميلاتهم يعني لسى ماتوسعت والحمدالله الكل يثني على شغلي ولله الحمد انا ناويه اطلع رقم واوزعه وابد اشتغل صح بس الي خلاني اتردد ان وحده جابتلي وظيفه في شركة الجزيره وهي مشرفة امن في جامعة الاميره نوره بقولكم على الوظيفه واتمنى انكم توجهوني وخاصه تاجرات الطبخ الراتب ثلاثه الاف وثلاث مائه الثلاث مائه ياخذونه الشركه مواصلات يعني يبقى ثلاثه الاف صافي الدوام من الساعه سبعه الصبح الين ثلاثه العصر وطبعن راح اطلع الدوام بدري يعني على الساعه سته الصبح وبعض المرات راح ارجع الساعه سته المغرب زي زميلتي والخميس دوام والراتب زي ماقالتلي ثابت مافيه زياده
يعني حتى لوابغى اشتغل الشغلتين الطبخ والوظيفه ماراح يمديني لان مافيه وقت متى ارجع من الدوام ومتى ارتاح ومتى اطبخ فلازم اختار وحده
فاشورو علي ابقى على شغلة الطبخ وهل راح اطلع قيمة الراتب ولا ارضى بالوظيفه وعلى فكره انا جامعيه واستبعدتني جداره لاني ماني تربويه يعني مافيه امل والامل بالله كبير اني اتوظف في القطاع التعليمي
معليش كلامي ملخبط بس من جد حايسه وماني عارفه اختار
سبحان الله والحمدالله ولا اله الا الله والله اكبر

20 تعليق 3,047 مشاهدة

شاركي في النقاش

سجلي الدخول لإضافة تعليق.

التعليقات

19
  1. @anaa_ghyyr

    شوفي ياقلبي احس الوظيفه مناسبه والراتب منيح

    انتي شوفي الطبخ يطلع لك في الشهر اكثر من 3000ريال؟؟اذا يطلع خليكي عليه

    وعصفور باليد خيرا من 10عالشجرة والراي بالاول والاخير لك

    راي اقبلي الوظيفه
  2. @bronz_shoklyt

    أنا أقولك استمري في الطبخ من بيتك وتوسعي طلعي رقم واشتغلي عن طريق النت
    تطلعي الثلاثة الاف
    أما انك من طلعتك لرجوعك 12ساعة وعلى 3الاف ماتسوى
  3. @dalya_55

    الواحد يدور على راحته وانا أشوف اذالطبخ يطلع فلوس  خليك عليه وانتي مرتاحه في بيتك لان الوضيفه تعب وآلراتب  مايسوى تعبك  وشوفي الي يريحك 

تابعي تجارب أخرى من هذا القسم.