مصدومه ..معقول فيه حريم بالشكل ذا

@anth_saaodyh

بسم الله الرحمن الرحيم

من جد مصدومه وماني مصدقه اللي شفته وسمعته

قبل كم يوم وحده تقولي فلانه ولدها ارتفعت حرارته وصابه الشلل
قلت انا الله يشفيه ويعينها

توقعتا تقول امين
تدرون وش قالت
اللي صاب ولدها من دعاء اختي عليهم تقولها وهي فرحانه
حسيتها مو طبيعيه احد يفرح بشئ زي كذا حتى لو مظلومه
الاطفال وش دنبهم وقلتها لها وما عجبها كلامي
طبعىآ حسيتها مريضه بالحقد وسكت


واللي صدمني اكثر شئ شفته هنا
موضوع عن الدعاء على اللي ظلموهم

وربي حسيت دمي نشف من جدكم انتو تدعون على مسلم هذي الدعاوي
وتفرحون باللي يصير لهم
حتى لو انتو مظلومين مايصير كذا بالله فيه
احد صاحي يدعي ان الله يحرق قلب مسلم على ذريته والا يدعي عليه بالسرطان
والا اللي يدعون
بذا
اللهم ارني فيهم عجايب قدرتك وتحول عافيتك وفجاءة نقمتك وجميع سخطك

طيب وش تستفيدون من ذا كله


المصيبه الاكبر
انهم يفرحون اذا صابتهم مصيبه والا مات عندهم احد
يعني انتو ما يموت عندكم احد وما تصيبكم مصيبه

يمكن ربي يبتليهم لانه يحبهم وبيطهرهم من ذنوبهم
في الدنيا فبل الاخره

بتقولون يجوز انا ندعي دعوة المظلوم مستجابه
ما قلنا شي
بس الله سبحانه يقول (وأن تعفو اأقرب للتقوى)

ووقال صلى الله عليه وسلم: (رحم الله رجلاً سمحاً إذا باع ، سمحاً إذا اشترى ، سمحاً إذا اقتضى). وقال صلى الله عليه وسلم: (ما زاد الله عبداً بعفو إلا عزاً)

واذا مره مصرين تدعون قولو
(اللهم اني مظلوم فانتصر )
او
(حسبي الله ونعم الوكيل )




الموضوع مو مرتب اعذروني بس بصراحه لسى مصدومه

اخيرآ

"رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْأِيمَانِ وَلا تَجْعَلْ فِي قُلُوبِنَا غِلاًّ لِلَّذِينَ آمَنُوا رَبَّنَا إِنَّكَ رَؤُوفٌ رَحِيمٌ"








86 تعليق 10,193 مشاهدة

0 0

شاركي في النقاش

سجلي الدخول لإضافة تعليق.

التعليقات

83

  1. @shfth_bfrh

    صدقتي وحدة كتبت موضوع وما خلت دعوة الا دعتها على الي ظلمها
    خفت ترد عليها واقول لها يا اختي كسبي اجر فيها وادعي لها بالهداية
    بس خفت تدعي علي مع الي ظلمها
    طلعت من موضوعها من غير رد

  2. @am_fhd31

    "رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْأِيمَانِ وَلا تَجْعَلْ فِي قُلُوبِنَا غِلاًّ لِلَّذِينَ آمَنُوا رَبَّنَا إِنَّكَ رَؤُوفٌ رَحِيمٌ"



  3. @loolo_loolo

    حسبي الله على من ظلمني
    الله يحرق قلبها مثل ما انحرق قلبي يارب
    خذ لي حقي بقدرتك يا الهي اخذ عزيز مقتدر

    اللي ماتعرف الظلم لا تلوم اللي تدعي
    وربي انه ابششششع احساس ممكن يحسه انسان في الدنيا
    اكثر احساس موووجع بالدنيا

    حسبي الله على كل ظالم

  4. انا انظلمت كثيييير
    صراحة بدعى على اللى ظلمني من حرقتي ان الله يذوقه من نفس الكاس ويلقى اللى يسوي فيه مثل ما سوا فيني وفعلا ربي يستجيب دعائي ولو بعد سنووواااات
    لكن ما بدعي دعاوى قوية
    وصراحة الأفضل اننا نعفو ونصفح عشان ناخذ احنا الأجر
    الله يغفر لنا

    انا معك بكل كلمة

  5. @mthl_alaasl2011

    وانا مثلك
    الحوائيات هنا يقهرووون لاحظتهم عجااايز ماعندهم الا التدعي
    والله على كثر مااتهاوش الا ان قلبي ابيض ومستحيل ادعي حتى على عدوي

تابعي تجارب أخرى من هذا القسم.