نحن والنظافة مايبيلها كلافة ولا قصدي لقافة
مرحباااااا يالله حييييييييهن""""موضوعي عبارة عن استفسار ::ومن خلال اجاباتنا راح نستفيد وننتبه لأشياء ممكن ما نكون نركز عليها في التنظيف طبعا كلنا نروح زيارات لناس اول مره نجيهم او حتى متعودين عليهم وحنا بطبعنا يالحريم نحب البصبصة يمين ويسار وندقق حتى لو انا بنفسنا ماحنا دقيقات بالنظافة اكيد مافيه احد الا وعنده تقصير بشي منا والا منا ""المهم من خلال زياراتك للناس ..ايش الحاجة اللي لما تشوفيها نظيفة وتلق لق تقولي بنفسك والله خلاص هذي اكبر دليل على النظافة دام هالحاجة تلق خاصة لما يكونوا ناس اول مره تجينهم هههههه اكيد بتقولوا وش هالملقوفة:p بس والله حنا يالحريم هذا طبعنا وما نخلييييه نحب المناظر والتبصبص عاد قلت خل نستفيد على الأقل من مناظرنا وننبه بعض بموضوع مفيد بدال مانحش وبس :angry2:انا عن نفسي اذا شفت الغلاية حقت الموية (الابريق الكبير حق غلي المويه)اذا شفته نظيف ويلق هذا عنوان النظافه والأهتمام ,,ممكن تقولن لييييش اقولكن لأنو كلنا لما يكون جاينا احد ننظف ونهتم فطبيعي تكون الحاجات نظيفة بس ابريق المويه ننساه ويبين انو من زمان ماتنظف من برى بس لما تكون صاحبة البيت نظيفة على طووول تلاقينه يلق على طوووول <<خلصينا يام اللقاقه انتي يلق ويلق...ههههه بس المشكله لما يكونون ناس مو ماينه عليهم وماتدخلين المطبخ هنا اقول المغاااسل هي الدليل لما تكون تبرق وما عليها الوان وطبقات ههه يالله عاد كل وحدة تقولنا ماهو دليل النظافة عندهااااا؟