هلا حبيبتي و حياج الله في دار زايد الخير
و يا مرحبا بج ملايين
بالنسبة للسكن الأسعار تتفاوت و في الشارقة السكن ارخص من دبي
و المسافة مب بعيدة كلها نص ساعة بالكثير بين المدينتين
و هي حلوة للصغار و الكبار
و أسواقها حلوة و الأسعار بعد تتفاوت
في دبي عندنا مينا بازار و سوق نايف و سوق الجملة و أغراضهم حلو و أسعارهم رخيصة
و عندنا المراكز مثل
دبي مول
مول الامارات
فيستيفال
ستي سنتر ديره
ستي سنتر مردف
برجمان و هو يضم كثير من محلات الماركات الشهيرة
و فيه فندق أتلانتس أحب أسير له وأقضي يومين أعدل مزاجي
لان فيه كثير من أماكن الترفيه و ممكن الأطفال يسبحون مع الدلافين
و يستمتعون بوقتهم هناك
أما الشارجة فعندنا
ميغا مول
مركز صحارى
و سوق القديم لكن فيه أشياء كثيرة حلوة و أسعاره معقولة
و عندنا القصباء حلوة و تجمع كثير من المطاعم و فيها الواجهة المائية
و جوها عائلي وجميل
و عندنا في راس الخيمة منتجع الكوف و هو في نص البر و القعدة فيه مريحة
أما الفجيرة فهي المدينة الساحرة اللي فيها الجبال و البحر و الفنادق الحلوة و اللي أسعارها رخيصة
و أبوظبي و العين فيها كثير من الأماكن السياحية و الأسواق الحلوة
و لو أكتب لج عن الإمارات أظن ما بخلص لأن الحمد لله بلادنا جداً جميلة و كل شي متوفر فيها و تناسب
كل شرائح المجتمع :)
جداول+خرائط+مطاعم+ارقام+روابط كل شيء بصور**دمج مواضيع دبي
متابعة النقاش، صفحة 309