فكرت وقررت عطوني رايكم

عندي طفل واحد عمره 3 سنوات وحملت وسقطت من سنتين وبعده ماحملت ابدا طول فترة التسقيط ما اكلت حبوب مانع وزوجي يزن فوق راسي اعالج وانا موظفة وزوجي موظف والمنطقة اللي ساكنين فيها مافيها مستشفيات كويسة وافكر اعالج بالرياض اروح عند اهلي بس تبعد الرياض عنا 4 ساعات يعني مشوار طويل وغير كذا دوامي موبكيفي فكرت اسوي حقن مجهري اسرع لاني حملي صعب شوي ومابي اطق مشاوير بعيدة للرياض كل شوي وزوجي يبغاني اسوي حقن مجهري خصوصا اني تاخرت سنتين بعد الاجهاض فياليت تعطوني رايكم بالحقن المجهري وفضل دكتورة تسويه لي لاتطنشون موضوعي نفسيتي زفت

12 تعليق 1,077 مشاهدة

شاركي في النقاش

سجلي الدخول لإضافة تعليق.

التعليقات

12
  1. @dmaashook

    اذا انتي مقتدرة اتوكلي على الله وسويها وباذن الله ربي راح يبشرك
    الله يرزقك ويرزقني وكل من تتمنى
  2. @mlath_8

    على طول تلقيح مجهري !!! ليه يا اختي هذا ما يسويه الا الي عنده ضعف في الحيوانات المنويه او مانفع معهم انابيب او صناعي ...

    انتي تابعي مع دكتوره كويسه وهي تشوف وضعك يعني مافهمت كيف حملك بصعوبه وانتي حملتي طبيعي بولدك وبعده حملتي طبيعي واجهضتي !!!! يعني ماعندك مشكله خاصه انه اجهاض واحد يمكن من عمل شاق او حركه او محتاجه مثبتات ...
    الخلاصه لاتحطين المجهري براسك لأن نسبه نجاحه قليله يمكن ثلاثين بالمئه وتعب وعمليه ووووو تفائلي بالخير وان شاء الله تحملي طبيعي .... بس شوف سبب عدم الحمل وعلى اساسه تشوفين الخطوه القادمه

تابعي تجارب أخرى من هذا القسم.