ماتوا اللي يقولون عيب

• السلام عليكم بنات ورحمة الله وبركاته اليوم انا حزينهوالسبب اني اخذت جوال بنتي وقريت محادثتها مع زميلاتها في الواتس باللي يسمى القروبات المهم جلسوا يسولفون وقالت وحده من البنات كلمه وصخه فردت عليها بنتي وقالت عيب ضحكت زميلتها وقالت لها ماتوا اللي يقولون عيب فايش تتوقعون كان ردة فعل بنتي ردت عليها بسرعه وبخجل لا عادي خذي راحتك وطبعا التصرف هذا من بنتي عشان ما تطلع في نظر زميلاتها متخلفه ومن الناس القديمين اللي يقولون عيب واللي في نظرهم ماتوا او ودهم انهم يموتون عشان ما احد يقولهم عيب ولا احد يحد من حريتهم يابنات ابغى اسال صحيح ان اللي يقولون عيب ماتوا وابغى اسال الامهات بصفه خاصه هل هذي الكلمه (عيب)موجوده في قاموس كلماتك ام انها انقرضت واذاكانت موجوده فايش اللي يخلي البنات يستنكرونها ياجماعه الموضوع خطيرعيب معناها امر بالمعروف ونهي عن منكر فهل ماتو من يامرون بالمعروف وينهون عن المنكر يامهات خلونا نرجع هالكلمه لقاموسنا خلونا نقولها لبناتنا الليل والنهار ومع كل تصرف سيئ يصدر عنهم من هم صغار لازم يعرفون العيب عشان يبعدون عنه ويتربى في نفسهم الحذر من فعل اي امر احنا نقول لهم انه عيب ولا كيف يتعلمون ان هذا التصرف عادي او مو عادي اذا احنا ما علمناهم ذا الشئ وانه عيب تجلسين ممده رجولك في وجه امك وا شخص كبير في السن عيب تطلعين عورتك قدام محارمك عيب تنظرين للرجال عيب وعيب وعيب الين يتربى فى نفسه كل المبادئ الاسلاميه الصحيحه ويتعود عليها يا امهات فلنحيي جميعا هذه الكلمه الجميله اللي كانوا اهلنا يقولونها لنا لكل تصرف اوفعل او كلام غير لائق وتعودنا سماعها والنتيجه عرفنا الصح من الخطا بفضل هذه الكلمه الجميله والنتيجه ايضا تواجدنا في هذا المنتدى الجميل ندعو فيه لكل فضيله وننبذ فيه كل رذيله ونحزن لوسمعنا خبر يسئ للادب والاخلاق ونفرح لو قرينا خبر فيه انتصار للاخلاق والدين والمبادئ (عيب -عيب-عيب)سجليها من الان في القاموس يا امهات يا ناصري الدين والاخلاق

51 تعليق 4,427 مشاهدة

شاركي في النقاش

سجلي الدخول لإضافة تعليق.

التعليقات

50
  1. @bnt_raaay_alabl

    مااحب كلمه عيب
    احب كلمه مايجوز احسن
    لاني بصرااااااااااااااااااااااااااااااااااااااااااحه مايهمني راي الناس
    اهم شي رضاء الرحمن
  2. @zmzm_mkh



    انا الى الآن اقول هذي الكلمة ( عيب ) و ماخرجت من قاموسي اذا شفت شيء منافي للآداب
    و في فرق بين عيب و لااا يجوز ،،

    مشكوورة اختي على الموضوع
  3. @maasobh_balaasl

    انتبهي لبنتك من بنات السوء وخليها مثال لهم بالدين والاخلاق خليهم يقولو متخلفه وترد عليهم متخلفه لاني اتكلم بالحق وماتربيت على قلة الادب الله يصلح البنات صارو كل كلامهم وسخ
  4. @aamry_aaaylty

    جزاك الله كل خير على هالكلمات القيمه والله انا معاك اننا يالامهات لازم نحيي هالكلمه بنفوس ابنائنا لان فرق بين كلمة عيب وكلمة مايجوز لان الكلمه الاولى توحي بان هالشى الي قاعد تسويه لازم تنكره وبشده ولكن كلمة مايجوز بعضهم يفهمه انه عادي تبي تسويه ولا ماتسويه يعني على كيفك وهذي وجهة نظري وتقبلوا مروري

تابعي تجارب أخرى من هذا القسم.