ܓ•° تعاملت مع فلان و فلانه بكيذا وكيذا وصارو عسل ❤ خبريني انتي تعاملتي معهم كيف ! °•ܓ
السلام عليكم ورحمة الله وبركاته
مسااءكم مسك وريحان حوائياات :39:
اولا أرجوكم ياليت تقرؤن موضوعي
كاامل عشان تفهمون المقصد > ونستفيد
مع بعض ..
ولكم دعوه يحبها قلبكم :27:
انا مو شاطرة بالمقدمااات وما ودي اضيع وقتكم
بالمقبلات والسلطات هههههه :35:,,
لذا بخش بالموضوع ؛؛
الاحظ بعلاقتنا مع بعض الناس الي حولنا يعني اقرب
شئ كمثال آهل الزوج أو حتى العلاقة بالقرايب ما يتقبلونا
او العكس نكون احنا ما تقبلناهم وما تكون بينا ذيك العلاقة
الطيبة ,, ولا أنكر حديث رسول صل الله عليه وسلم حين قال
( الأرواح جنود مجندة فما تعارف منها ائتلف وماتناكر
منها أختلف )
لكن مانقدر نحكم
أن ارواحنا ما أئتلفت كيذا من البداية أو بدون مبادرة منا
وتعامل طيب ,, لإن حسن المعاشرة هي توضح لنا المعادن
,, فبعضنا ممكن تلاقي قبول منهم لكن مافي بينهم علاقة
وماتعرف كيف تتعامل او تجذب الغير حولها وتكون معهم
علاقة حلوة وبإحترام > وحتى مع زوجها وهذا كثيرر >
> , فتلاقي الجفاف والبرود ورسميات بالقوة , ولو
حاولتي تتقربي ما تلقين ذاك القبول منهم , وتستغربي
انهم عسل مع غيرك وأجتماعيين ,,!! فبعضنا يتجنبهم
ويبتعد لإن أساساً مالقوا ممكن تقبل أو تجاوب منهم
فعلا ؛؛ لكن في كثير منا ما تعرف اساسيات التعامل
مع الغير و كيف نكسبهم أو ندخل مداخل قلوبهم > وانا
ما اقصد ان نفرض انفسنا عليهم بالغصب وحتى لو
لا قينا النفور !! أو نلاقي الشتم وسوء المعاملة
ونحاول بالطيب بالغصب يحبونا لااا ابدن مو
هذاا قصدي ,,!! والأشخاص الي مثل كييذا
الابتعاد عنهم غنيمة لإنها كرامة لإنفسنا قبل كل
شئ ,,,
بضرب لكم مثال حتى تفهمون صح مقصدي ,,
بقول مثلاً رجل إذا جلس مع زوجته الصمت سيد
الجلسة ,,
تتكلم مسكينة وتهذررر وهو محد حولك ..!! وإذا
طفشت من الجماد الي قدامها سكت وبدت تاكل بعمرهاا
ليه مايتكلم معي انا وش فيني وممكن يطلع الكلام غصب
عنها وتصرخ بوجهه انت ما تحس ليه ماتتكلم , مع
غيري الضحك والسوالف ومعي انت والكنبه واحد و
مدري ايش ..!! والزوج يبحلق ومطبق فمه ..!!
فا أقولها ياقلبي لا تتعبين نفسك إانتي عرفتي زوجك
وفاهمة انتي وش تهذرين عنه , فليه تكررين بكل
جلسة نفس الأسطوانات ,,
زوجك ما تستهويه مواضيعك هذي و ابحثي لك
غيرها ,, ادخلي له من نواحي ثانية :
هواياته > يحب الكورة يهوى السيارات > سولفي
عنهااا
يستمتع بالنقاشات > افتحي موضوع وادخلي معه
كلامه قليل مع غيرك ومعاك > معناته يحب
الكلام الممتع والمفيد والقليل ويعشق لحظات
الصمت .,, فلا تضغطين اكثر عليه ..
ينبسط على المزح والمقالب > الله يعنيك ههههههه
عليه بتصيبك كفخه وبتصيرين معه واحد من
الشباب ..
هذي كلها امثله تبين لك كيف تفتحين مجال للكلام
مع زوجك وفي غيرها طبعاً كثير ,, وكل وحده تعرف
زوجها ,,
لكن ممكن وحده تقول كيف ادخل مداخل قلبه وهذا
الاهم ؟؟؟
هذا يعتمد ياحبيبتي عليك و انتي وشطارتك , ابحثي
عن نقطة ضعفه او اقول مفتاحه ,, واشتغلي من
هالناحية , وبتلاقينه عسل وشهد وياك :35:
اما بالنسبة لعلاقتنا مع الغيرر :
فدائما نتعامل معهم بالشئ الي يحبونه هم ,,
ولا نرغمهم على الشئ الي نحبه , > عامل
الناسبمثل ماتحب ان يعاملوك الناس به > لا
تجبرينهم على عاداتك والشئ الي انتي متعوده
عليه دامك ضيفة عندهم او هم ضيوف عندك < الا
بما يخالف الدين > يحبون يتعاملون معك برسمية
واحترام ااقدر لهم هالشئ واتعامل معهم بالي
يحبونه وما اطيح الميانه ,, مايحبون يتكلمون
بالخصوصيات ومايحبون احد يسألهم إذن
اتجنبهم وما اصير غثيثة واتبحث بشئ مالي
دخل فيها وعاملهم بالمثل بكذا كسبت احترامي
لنفسي وكسبت علاقتهم الطيبة لصفي ,, و
بتلاقين الاحترام والتقدير لك وبيعرفون انك ذووق ,,
انا اول ماتزوجت لحتى ممكن 6 سنوات انا وابو
زوجي لجلسنا مع بعض ما بينا اي كلمة ,,بس سلام
وعليكم السلام ولا سؤال ولا كلام , تخيلوا هو ساكت
وهيبة وحتى الضحك نادر وبسيط
وكنت استغرب ( عاد ما ادري عشان وجودي
بينهم او بدوني )
ان حتى مع بناته جاف وما يضحك الا نادر , يعني
جلستنا معه صمت, وذاك اليوم حاولت ادخل بسوالفي
وتجرأت شوي معه
( وبحكم مجاله في البيع والشراء فا اكيد يحب
السوالف من هالناحية ) فصرت امسك مجلة
عروض السوبر ماركت واتكلم مع زوجي وهذا عند
المركز الفلاني بكيذا وهذا يبيعه بكذاا فصار يدخل
ابو زوجي يدخل بسوالفه معناا ومن بعدها
شوي وشوي اجيب سوالف عن الاسعار واحيانا
اقوله اشترينا الحاجة الفلانية من هذا المحل
وبسعر .......... الخ ,, والله يابنات تغيير كثيرر
وصار يمزح معي ويضحك ,!! انقلب واحد ثاني
..> وانا الي كنت اظنه ثقيل وجاف اثاريه
طلع عسسسسسسل ..
واذكر وحده تعلمني عن مرت اخوها كانت مره غرور
وما تعطيهم وجه وكل ما تعاملو معها احسن تعامل
زادت بتصرفاتها ,فقلبوا عليها وصاروا يعاملوها
بالتنطيش وما كأنهم يشوفون شئ ؛ بعدها صارت
ترمي نفسها عليهم شوي شوي وتدخل مع هذي وهذي ..
وقيسي على ذلك كل التعاملات ,,
وفي امثله غيرها كثيرر بس ابغاها منكم
ياعسولات ..
يالله ياابنات نبغى
نتناقش بهالموضوع
,, وكل وحده تذكر لنا
مواقفها وتعاملاتها
مع كل نوعيات البشرر
,, كيف صلحتي علاقاتك
معهم ,, علميناا اسرارك
خلينا نستفيد ..> اتركوا
الكسل ..
بإنتظاركم حبيباتي .....